你今日關注咗未?

師傅仔：

經常跟好朋友見面，幾乎每月都有Home Party，主題永遠係「Chips and Wines」─因這是大家的飛佛。無論當晚有甚麼好食，大家都愛攬住包薯片，可以話頭盤、主菜、甜品都係佢。而我對酒比較有興趣，特別係凍凍哋的白酒，邊飲邊傾最開心，飲到微醉時例牌會瞓着，最好的朋友其實係梳化。

雲妮寶寶：

圖中的是乜東東？是由新加坡著名甜品創造大師Janice Wong炮製的樹皮……正確嚟講，其實是朱古力配上鵝肝，結合美酒、舞蹈、音樂及過癮的黑盒用餐環境，K11早前「說」了一遍相當獨特的「神奇盛宴之神秘的可可豆故事」，小記亦有幸參與其中，可惜這次朱古力宴除了傳媒場，就只演一場，認真希望商場可以再辦同類型藝術美食活動，讓大家都可以享受一番！最後請別質疑我的拍攝技術，在近乎全黑環境下拍照，算係咁啦！

CMM：

讀小學時，上堂悶悶地，我就會攞張白紙出嚟，撩隔籬位的同學玩紙上遊戲，最經典就係「天下太平」，每人一邊各起基地，然後猜包剪揼，贏咗可加旗幟、保護網或起戰機，直到攻陷對方基地為止。最近我也加入「愛瘋」一族，在眾多的App中，竟發現了「天下太平」App，只要搜尋「Peaceful War」就找得到，快啲Download，重拾兒時回憶啦！