曾幾何時大家喜歡相約食K Buffet，貪有得食又有得玩，但其實小記始終覺得K Buffet食物水準一般，款式又少。帝景酒店的帝景軒所推出全新的「日韓盛饌」自助晚餐，除了有特色的地道美食外，每位惠顧自助餐的客人更可免費享用卡拉OK服務，如此酒店級K Buffet，小記則很有興趣一試。

日本菜及韓國菜，都是港人最愛美食之一，帝景軒的大廚就用上兩地的特色食料，炮製出多款富地道色彩的美食，像師傅更親自炮製的泡菜，充滿韓國味，而且爽口香辣，夠晒開胃。日本菜方面，則有用青芥辣焗製的生蠔，入口先是一陣辛辣攻鼻的刺激，繼而會嘗到生蠔的鮮甜肥美。兩種不同的辣味，為味蕾帶來無比刺激。

10人齊唱K

所謂有辣有唔辣，除了一系列地道辣菜，師傅還準備了很多豐富美食，包括飽滿煙韌的日式汁燒魷魚筒飯、口感鮮嫩的日式一口牛、濃郁香甜的汁燒日式羊扒等，加上自助餐必備的各式刺身、壽司及沙律前菜，兼且有日式綠茶紅豆芝士餅、日式和菓子、日式栗子蛋糕等甜品作結，夠晒滿足。提提大家，約齊10人惠顧，即可包房享用卡拉OK設備，想大展歌喉，係時候啦！

日式一口牛

選用澳洲優質牛肉，先將牛肉表面微微煎香，以鎖住肉汁。入口鮮嫩腍滑，放在羹上奉客，一啖一羹，吃得過癮。

「日韓盛饌」自助晚餐

供應期︰即日起至11月30日

時間︰6:30pm-9:30pm

價錢︰成人$288、小童$188（星期一至四）

成人$318、小童$218（星期五至日及公眾假期）

查詢︰3716 2898

*另加一服務費

**卡拉OK設施，星期六、日及公眾假期不設供應。