囝囝成日問我究竟有冇外星人？時間旅行有可能嗎？幾時係宇宙大限？我雖然係叻生，但咁深嘅問題又點識答呢？好彩遲啲香港太空館將舉辦《史蒂芬霍金特集》Discovery 頻道節目觀眾優先場，優先場將放映《史蒂芬霍金特集》之《接觸外星人》（Aliens）、《穿梭時空》（Time Travel）和《霍金構思的宇宙》（The Story of Everything）呢三個單元嘅精髓，畀我哋一同鑽研天才科學家史蒂芬霍金博士嘅思維，探索宇宙奧秘。座位有限，先到先得。

日期：9月12日

時間：6:30pm至8:15pm

地點：香港太空館演講廳

網址：www.lcsd.gov.hk/CE/Museum/Space/

香噴噴咖喱飯

朋友Clara好鍾意食辣嘢，最近佢推介大家樂推出嘅全新配方「千層香咖喱」系列。以小茴、荳蔻及南薑等近20種香辛料，糅合芬奴、香茅及羅勒等香草秘製，各取其色、香、味、辛等，調配出別具層次嘅咖喱風味。呢個系列包括千層香咖喱燒雞、千層香咖喱豬扒同千層香咖喱海鮮。雖然我麻麻地食辣，但今次就捨命陪靚女啦！

查詢：2601 7770

先飲鹽水後食荔枝

老人家話齋：一顆荔枝三把火。不過荔枝又確實好好味，點解救至好？我阿媽教落，食荔枝前後可適當飲鹽水、涼茶或綠豆湯，或者將新鮮荔枝去皮浸入淡鹽水中，放入雪櫃冰後食用。咁樣唔止可防虛火，仲具有醒脾消滯嘅功效。成年人每日吃荔枝一般唔好超過300克，兒童一次勿超過5粒，更加唔好空腹食荔枝，最好响飯後半小時先食用。凡對荔枝過敏、糖尿病患者及陰虛火旺者，都要禁食或慎食荔枝呀！