近排行灣仔會展，總係見到一大班龍友圍住o靚模影相，下周電腦節班o靚模又殺到，其實唔使帶住又重又大部的相機同龍友爭，皆因一部iPhone 4經已影到靚相，內置500萬像素鏡頭加閃燈，配埋720p高清拍片功能，只要即場「單撈」幾個特效玩相App，效果隨時正過DC相機，今次就搵班o靚模試下iPhone 4影相有幾好玩！

ActionCam 四格連拍

下載費用：免費

用iPhone玩LOMO、寶麗萊等效果就見得多，但原來佢仲可變身Toy-Cam玩四格連拍。只需經《ActionCam》便可設定時間、卷數連環影相，再合成得意的多格照片，適合Pose多多的模特兒使用。

BlendCam 多重曝光

下載費用：免費

日本TORI設計的《BlendCam》iPhone App，利用菲林疊片原理將幾張相疊埋一齊，做出單鏡反光機的多重曝光效果，還可獨立調校單色、亮度、平衡度等，想玩「影分身」話咁易。

MoreBeaute 自動美肌

下載費用：免費

DC興玩美顏模式，估唔到iPhone都有得玩，仲要係免費App任單撈，原理是偵測人臉後將肌膚調白變光，順手幫班

o靚模除去雀斑及換走暗啞膚色，Facial都唔使做就保持到雪白女神形象。

Hello Kitty Magic Photo魔法

下載費用：免費

想將iPhone變成貼紙相機的話，巿面有不少相框App，好似《Hello Kitty Magic Photo》便加入Hello Kitty公仔飾物，製成獨一無二牆紙。但大家要留意，雖然App供免費下載，不過每次製作需付US$0.99。

後期製作篇

PS Mobile 執相好幫手

下載費用：免費

影友平時影完相都會用《Photoshop》執番靚，但iPhone影完通常即時上傳Facebook、Flickr，因此Adobe便推出手機版《PS Mobile》，將主要的Crop相、光暗、銳化等功能融入iPhone，手指掃左掃右便可調校。

高清拍片篇

Qik Video Camera 影片加特效

下載費用：$2.99美元

iPhone 4換上新處理器後，速度明顯提升，連拍720p高清影片甚至《iMovie》剪片都唔會窒，可惜拍片時花樣特效唔算多，《Qik Video Camera》就可在拍片時混入照片和各式特效，然後擺上YouTube和Facebook等。