身邊朋友不乏零食怪，正餐可以唔食，零食卻從不離身。不過，長年食薯片、朱古力都悶啦！一齊入去會場睇睇，隨時有好味驚喜，夏天以水果最當造，變成軟糖一樣香甜好味，仲以迷你生果箱做包裝，埋嚟睇埋嚟揀啦！

淨食水果軟糖就滿足？行到攰，仲有大量餅乾、蛋糕等你買，大可邊行邊「叉電」，一路食住雪條、杏仁豆腐冰及布甸等，消消暑繼續掃貨。

果然好味

雖然都係零食，但有水果成分，點都覺得健康啲。其中包裝可愛的水果軟糖，有齊8種口味任揀；想原汁原味的，又可試巨峰提子乾；太空人都食得的水果脆片，口感香脆，各有特色。

台灣水果箱軟糖

以迷你生果箱裝着的軟糖，賣相可愛，食落軟糯香甜，還有杧果、葡萄、鳳梨、荔枝、水蜜桃、哈密瓜、草莓及番茄8種味道任揀。

會場價：$18/盒

$100/8盒

攤位編號：1D-D24

太空水果

此產品專為太空人研發，由冷凍真空機抽走水分，保存期長，便於攜帶，口感鬆脆無比，有原粒士多啤梨及黃肉水蜜桃等口味。

會場價：$10/包、$18/2包攤位編號：1C-A27

陽光健食

台灣巨峰葡萄乾

巨峰提子賣得貴，不如平平哋買果乾試吓，Size果然比一般提子乾大，入口有濃郁提子香。

會場價：$32/樽、$55/2樽

攤位編號：1D-D24

飽肚飽肚

零食係OL動力之源，如果想揀飽肚少少、做下午茶的話，小記介紹來自台灣、日本的美味蛋糕、餅乾，香脆、鬆軟齊備，不妨跟同事分享，抖一抖再工作。

明新戚風蛋糕

口感柔軟綿滑，內含香濃北海道牛奶奶油，吃起來卻不油膩。若放在雪櫃或冰格冷藏，更有截然不同的質感和味道。現場可單杯購買，即時品嘗好滋味。

會場價：$8/杯、$15/2杯、

$48/盒、$90/2盒、

$130/3盒

攤位編號：

1B-D07, 1E-A14,16, 1E-B13,15

日月燒

鬆軟綿滑的蛋糕皮，中間裹着紅豆泥及雪白Q軟的麻糬，每口都有豐富層次，難得食完不覺甜膩。

會場價：$15/件

攤位編號：1E23-28

燒餅年糕

日本人愛稱年糕為鏡餅，糯米內包着像紅豆、黑芝麻及抹茶等餡料，食時可放進焗爐加熱，或以煎鍋香煎亦可。

會場價：$20/包

攤位編號：1C-C14

法式忌廉曲奇卷

曲奇卷的的骰骰，一咬外層香脆無比，內裏則是滿瀉忌廉餡料，配搭得剛好。

會場價：$20/2包

攤位編號：1C-D18

消暑必備

會場內人頭湧湧，行到滿頭大汗，最想可以即時降溫，新登場的綠茶紅豆夾心雪條、雲呢拿紅豆夾心雪條、筒形班戟，連同牛奶布丁及杏仁豆腐冰，就成為你的最強解渴救兵。

體育公園杏仁豆腐冰

白滑彈牙有如豆腐般，所以得名豆腐冰，新鮮空運到港，香甜美味，可加上不同配料品嘗。

會場價：$18

攤位編號：1B-D07, 1E-A14及16, 1E-B13,15

日本原田牛奶布丁

震騰騰布丁蛋味香濃，質感軟滑，底層尚有焦糖漿，記得一次過食到底，才可試出真味。

會場價：$30/4杯

攤位編號：1C-A24

綠茶紅豆夾心雪條、雲呢拿紅豆夾心雪條

包着原粒紅豆夾心，甚有咬口，雪條質感亦滑溜溜，冰涼透心。

會場價：$15/條

攤位編號：1C-A24

綠茶白玉團子夾心雪條、黃豆粉草餅夾心雪條

前者有齊綠茶雪糕、香滑糯米餡及紅豆餡，三重享受；後者有擂沙湯圓味，香滑糯米餡夠煙韌。

會場價：$15/條　攤位編號：1C-A24