一到暑假，學生哥學生妹多了時間周圍逛，變相增加消費意欲。雖然在學零用錢有限，但只要專攻平價潮商場，總會有意想不到的收穫。主打平靚潮的尖沙咀gi商場，內裏密集式的店舖，提供服裝、飾物、家庭玩意及生活用品等不同種類的潮物，有款之餘大部分價錢$200有找，學生哥血拚都唔會入肉！

潮人平價商場gi全名granville identity，樓高3層，商場設計玩密集式小舖，每間只有約百呎的面積，而且開創先河搞中央管理，即是每層有固定售貨員負責全層的店舖銷售，啱晒抽唔到身自己看舖的店主。由地面至3樓，每層均有不同種類的店舖，如地面有護膚品、香薰用品，1樓有飾物、運動服，2樓有女裝鞋和衫，3樓則有家居精品。貨品主攻年輕人，大多走型格潮人路線，而Mark價更係超級親民，絕對滿足到要潮要平的後生仔女。

Tonbo玩味家品 319號舖

Tonbo售賣的家品種類主要是燈、鐘、電話和收音機等，設計新穎玩味，如紙袋形枱燈，舊Casette機造型的收音機等，還有杯、雜物盒和櫈仔等小型家品，款式和種類繁多，非常適合部屋布置。

美國國旗圖案搪瓷杯 $98	舊式Casette機收音機$598	大紅花紙袋枱燈$168
立體蝴蝶圖案枱燈$398	仿古相機電話$538

See Saw Seen齊貨精品 322號舖

看似雜亂但精品款式卻非常齊全，一些玩具、小袋、擺設、錢罌等都可在此找到。款式得意趣怪，部分Mark價比市價更平一點，好精品的少女不妨在此執平貨。

紫外線感應小結他 $128	熊貓頭USB Speaker for Notebook PC $188	相機Fake Print拉鏈袋 $48
哈哈笑飲酒遊戲$168	防水相機 $98

Gusto劃一價$150 203號舖

特色在於全部衫都劃一價$150，大家可疊埋心水慢慢揀，女裝多是型格味道的設計，如牛仔服、軍服或是綴以珠片的設計；鞋款就由涼鞋、高跟鞋，甚至皮靴都有，當中以涼鞋款較為特別。

草帽 $199藍色牛仔背心 $150碎花短褲 $150青黃色高跟涼鞋 $299	灰色牛仔喱士背心 $150	淺藍色喱士恤衫 $150
淺綠色飾珠背心$150	啡色徽章Jumpsuit $150

Shiodome平價日系服 212號舖

主打少女日系服，Kawaii造型的連身裙、小背心、Leggings及今季大熱的碎花圖案服飾，統統一應俱全，要打造日系少女無難度。

桃紅×白色間條Maxi Dress $199牛仔小背心 $199	藍×紅色碎花Jumpsuit $148	藍色綁帶Tube Dress $138
蝴蝶結串珠頸鏈$109	碎花圖案Scarf $99

Water齊款韓飾 102號舖

全部飾物均從韓國引入，款新之餘，手工亦見不俗。從可愛少女味濃的蝴蝶結設計，到Rock型的窩釘飾品都有齊，大部分走浮誇路線，用來配搭簡約造型極之一流。

金色窩釘手鈪 $168	金色蝴蝶結頸鏈 $208	銀色立體珠珠頸鏈 $188
波點羽毛耳環 $108

查詢：3188 5273

Best Picks

搶眼型爆掛牆鐘

玩鐘底機件設計，玩味十足，加上黑底白字簡約有型，正中潮男部屋的風格。

型爆掛牆鐘 $998	便攜電子磅 $180	蝴蝶結夾棉袋 $199

售賣店：Tonbo

超細便攜電子磅

賣點在於它的Size只有筆記簿般大，輕巧的骰方便攜帶和擺放，卻能準確地量度體重，瞬間成為女生的熱門話題，尤其方便夏天On Diet的女仔無時無刻睇住個磅進食。

售賣店：See Saw Seen

好襯蝴蝶結夾棉袋

款式有少許似Marc Jacobs玩夾棉蝴蝶結設計，呈梯形的外形設計可愛，黑襯金的色調帶點優雅，$200有找好抵買，無論襯少女造型或是高貴打扮都適合。

售賣店：Shiodome

罕有紅麖皮流蘇涼鞋

紅麖皮流蘇涼鞋 $99

羽毛珠片頭箍 $208

較少見到的紅色鞋款，而且款式獨特，有別一般露趾涼鞋，麖皮與流蘇的設計，別具風格，簡單襯牛仔褲已夠有型。

售賣店：Gusto

勁閃羽毛珠片頭箍

頭箍是近年女生最愛佩戴的飾物，較為浮誇的會加入閃片喱士或珠珠作點綴，這款更混入羽毛，凸顯精細的手工。

售賣店：Water