書展禁止o靚模入場，搞到宅男少咗排隊嘅動力，但講真今時今日買書何必山長水遠逼書展，隨手拎起明天發售的iPad行貨同iPhone一樣得。說的是3香港的3Books一站式流動電子書平台，一個月費就睇到娜姐新舊兩本寫真集，仲有《天下畫集》、3D雜誌及過千本書籍無限任睇，無論書蟲定宅男都流晒口水！

很多人都說電子書熱潮由iPad帶起，但閱讀電子書的風氣早在中國盛行。有市場研究顯示，今年第1季中國手機閱讀市場中，經常看電子書的用戶數目便達到1.92億人，比起去年第4季大增幅加19%；而隨着iPad行貨明天正式在香港發售，仲唔轉睇電子書就一定Out爆！

過百萬本藏書

行船爭解纜，eBook我賣先！作為全港首個一站式流動電子書平台，3Books是一個擁有過百萬本藏書的流動電子書庫，用戶只要透過3香港網絡，便能進入不同的電子書城進行線上訂閱，當中包括「光波24書網」、「嘉昂數碼出版」、全港首本3D電子雜誌《in3D》、「首尚文化」及電子書庫《KOBO》等。以光波24書網為例，便提供超過1,000本精選書籍及中外雜誌，頭炮是周秀娜新舊兩本寫真集，稍後還有3D版，讓宅男一飽眼福。

互動《天下畫集》

兼容性方面，3Books內的電子書支援iPhone、iPad及各式平板電腦，用戶手指篤篤便能翻頁、放大縮細文字及相片；而為了令閱讀時更添趣味，部分電子書還加入互動功能，例如《天下畫集》便內置音效及動畫效果，想知絕世好劍與雪飲狂刀互劈時有幾震撼？漫畫迷就一定要裝！另外，官方表示，3Books稍後還會擴展至Android及電腦平台，就算唔係蘋果信徒一樣有得睇。

劃一月費無限任睇

收費方式係電子書普及嘅一大障礙，好似iBooks就僅限美國用戶登記兼要逐本收費，費時失事。為解決此問題，3Books就破天荒劃一收費，客戶只要每月$38，即可無限任睇「光波24書網」內的所有書籍，而且內容每月更新，於推廣期內更可享兩個月免費試用。此外，亦可以折扣價購買其他書籍及漫畫，例如買《天下畫集》有9折優惠、陽光妹何思諺寫真集8折就買到，收費彈性，比iBooks靈活得多！

訂閱3部曲

Step 1

以iPhone或iPad連接到mobile.three.com.hk，然後點選「Planet 3」內的「3Books」頁面。

Step 2

進入後，可看到由不同電子書供應商提供的iPhone閱讀程式。

Step 3

安裝閱讀程式後，便可回到訂閱頻道，每個頻道都有簡介及收費，合心水的話按「立即訂閱」即可。

收費詳情

． 「光波24書網」基本頻道︰每月$38

． 跨媒體頻道︰每月$30

． 日本少女漫畫頻道︰每月$20

．《天下畫集》︰9折

查詢︰3162 8888