師傅仔：

捧咗20年嘅

意大利隊今屆踢得差，心都噏埋，

不過算罷喇，一切重新開始。換過新領隊、新球員應該好好多，最開心係聽到偶像巴治奧有機會「出山」，唔做農夫，改幫意大利足總培訓新血，係就好喇！有品有球技有領袖風範，有佢教後輩一招半式，愛隊即時有希望！

IronWinnie：

自問喜歡舞台表演藝術，一向都反對舞台劇明星娛樂化，不過作為死硬派粉絲，遇上《柯迪夫》還是乖乖掏出銀両。但整晚最教我感動的，卻非兩位唱得偶像，而是裝出一把破爛聲音的林小寶，轉頭再以超級靚聲演唱《小團圓》，聽得我雞皮疙瘩全身直起，果然是我最愛的音樂劇演員！讚！

CMM：

軟糖係每晚陪伴我打稿的摯友，早兩日，我又去7仔入貨，發現味覺糖有新成員，係貌似可樂樽嘅提子軟糖，一包有提子同提子梳打兩隻味，唔使講，即買！我仲發現包糖背後貼有「此乃豁免營養標籤產品」，返到屋企上網Check食物安全中心，原來只要產品的能量及指定標示營養含量接近零，就可免貼上營養標籤，阿媽即時從後講句︰「都話食糖無益o架啦！」=.="