本文重點
金枝：
上星期友人女兒兩歲生日，我送咗隻電動小狗畀佢做生日禮物。同友人及其老公傾開，先知原來佢哋不太喜歡貓狗，但偏偏BB好鍾意喎！我家有4隻狗，深知小動物帶畀人類有幾多歡樂，所以我一向主張多啲畀小朋友接觸小動物，就算唔養，起碼喺街見到都唔會驚，大個亦唔會虐待佢哋。
Angelamamy：
某夜翻閱舊報紙，發現一篇介紹音樂治療情緒的文章，好適合壓力爆棚又唔識得紓緩的港人。報道講到一些有負面情緒的人，如何透過音樂或樂器平復焦慮、失落，及將唔開心的感覺轉化成正能量。生命可貴老生常談，但許多人仍隨便輕生，甚至扼殺他人生存權利，認真抵打！
S.man：
「澎湖蜜月之旅」話咁快結束，短短八日，喺呢個位於台灣的淳樸之地，感受到前所未有的閒適與寧靜，釣魚烤蠔睇星沙，跟螃蟹海膽海星雞泡魚海參零距離接觸，還有親切有禮的當地人，教每日在香港「衝衝衝……」的我，再次深思生活的意義。
