$5,588

硬撼iPhone 4 Galaxy S招招狠

本文重點

9.9mm最薄Android
全新Aldiko電子書
實景導航搵食
機檔案

今日世界足球盛事正式開鑼，若用手機比喻球星，iPhone 4就好比球王美斯，一個扭十個非常屈機，要阻佢惟有靠人海戰術，情況就好似多間廠商都用嘅Android系統。不過最近Android陣形都有新成員，就係只有9.9mm薄、4吋巨芒及720p拍片功能嘅Samsung Galaxy S，加埋創新嘅實景導航技術，且看這位南韓代表能否力壓群雄！

其實Android系統是由Linux演變而來，開放源碼下自然吸引廠商參與，慢慢形成一股新勢力。早前有市場調查指出今年首季Android手機全球市佔率達10%，緊隨佔15%的iPhone，而這部Galaxy S更是未出已接獲100萬部定單，仲要快iPhone 4一個月出街，明剃對方眼眉！

跟iPhone 4一樣有前置鏡頭，可玩Video Call。左邊則是光源感應器，可根據室光調節屏幕亮度。

跟iPhone 4一樣有前置鏡頭，可玩Video Call。左邊則是光源感應器，可根據室光調節屏幕亮度。

提供3.5mm耳筒及mini-USB介面，並內置最新藍芽3.0模組。

9.9mm最薄Android

單看名字就知手機是改良自現有的Galaxy系列，當中的「S」就有Slim之意，厚度由11.9mm減至9.9mm，號稱目前最薄Android手機。雖然厚度仍輸iPhone 4一個馬鼻，但考慮到重量僅119g，比對手輕足18g，放在Clutch Bag剛剛好！iPhone 4有個Retina Display屏幕，Galaxy S都唔弱，4吋巨芒視野已經夠晒闊，背後還有最新Super AMOLED背板技術，唔單止顏色更鮮更亮，連反光問題都少咗，官方仲話表面經過防污處理，所以小記捽完一輪都唔見有手指模，抵讚！

Super AMOLED背板比一般TFT薄，所以機身可偷薄至9.9mm，堪稱目前最Slim嘅Android機。

Super AMOLED背板比一般TFT薄，所以機身可偷薄至9.9mm，堪稱目前最Slim嘅Android機。

電池蓋用塑膠打造，表面經過焗漆處理並有圓形暗花，外觀不錯。留意左上角只有5MP鏡頭，而不設補光燈，規格一般。

電池蓋用塑膠打造，表面經過焗漆處理並有圓形暗花，外觀不錯。留意左上角只有5MP鏡頭，而不設補光燈，規格一般。

全新Aldiko電子書

Galaxy S採用Android 2.1系統，但跟先前的Wave一樣，介面升級成TOUCHWiZ 3.0，最多可放7版Widget，出機時已預載Social Hub同Daily Briefing兩個Widget，前者可在同一版面處理SMS、Gmail同Facebook等社交平台，毋須每次Login咁麻煩；後者則把天氣、新聞、股票及行事曆綜合處理及更新，充當個人小秘書。另外，佢還內置了《YiYi》、《Openrice》等程式，最驚喜係有個Aldiko電子書，支援文字放大、虛擬書籤及翻頁效果，仲連書評都有，簡直係iBooks倒模。

預載咗Daily Briefing小工具，提供天氣、新聞及股市等即時資訊。

Aldiko電子書個介面跟iBooks勁似，不過預載只得兩本書，要睇就要上網再買。

Aldiko電子書個介面跟iBooks勁似，不過預載只得兩本書，要睇就要上網再買。

支援DLNA技術，毋須插線就可將相片及音樂掟到DLNA電視機上欣賞。

實景導航搵食

影相方面，Galaxy S鏡頭只有500萬像素，並不設補光燈，單看規格不及iPhone 4，但佢一樣支援觸控對焦、720p高清短片拍攝，並提供微笑快門、Geotagging相片等功能，玩法唔特別輸蝕。最重要係鏡頭可配合新加入的Layer Reality實景導航瀏覽器一併使用，用戶只要輸入關鍵字如麥當勞，手機便會以紅點顯示目的地位置，並會隨住遠近而變大縮小，方便用家跟住方向搵，再點一點就搵到地址、電話等資料，出街搵食就至啱。當然以上技術需要不斷下載數據，幸好手機支援802.11n無線網絡，上網速度快普通Wi-Fi幾倍！