夏天一到就想起藤製手袋，每年都希望買番個，不過咁多款，點揀好呢？

藤袋向來畀人嘅感覺都幾少女系，特別係去到沙灘，大部分少女都係一人手挽一個，搞到我呢啲既為人妻又為人母嘅潮太得個恨字！今個夏天，Che Che New York及Lids都出咗一系列藤袋，各走唔同路線，但共通點係夏日Feel得嚟唔會太過Kawaii，啱晒我哋啲潮太！Che Che New York嘅藤袋全部係人手製，每個都配襯唔同元素，無論立體花飾、可愛串珠、閃爍珠片都靚到爆燈。至於Lids則走型格路線，配搭邊種衣飾都可以孭番個，啱晒一眾非少女系路線嘅美女呀！

立體花飾藤籃，每朵花都夠突出，好靚！最貼心係袋口嘅束袋設計，有一定保障。$1,660（a）	由唔同顏色珠片排列成橫間花紋，色彩繽紛。$1,560（a）	Che Che New York常見嘅動物造型，今次小貓以漆皮製作，簡單得嚟夠Sharp醒，另有黑色。$1,230（a）
I Love Cherry配合珠片車厘子圖案，好Sweet。$1,230（a）	黑色花花喱士布料藤籃，帶點點貴氣，加上以推廣價發售，抵呀！（另有紅色）原價$1,380、特價$650（a）	夏日大熱水手系列藤籃，綴以特別肩帶，別有一番風味。$299（b）
航海圖案藤籃 $279（b）	蝴蝶結可愛造型藤籃 （左）$259（右）$279（b）

查詢： （a）2882 2979 （b）3514 9109

煮食法寶：電子高速煲！

如果話我係煮飯婆都不為過，因為真係日日煮飯嘛！所以但凡有咩新電器推出，我都會追得好貼！早兩日去MayMay屋企玩煮飯仔，發現佢買咗部Panasonic電子高速煲，呢個煲用先進高壓烹調原理，以熱能令鍋內氣壓上升，同時促使溫度上升，大大縮短烹調時間，一個鐘就可以搞掂一煲湯或各類炆餸，而呢款煲仲採用密封設計，可以完全鎖住食物原味同營養。試用後念念不忘，去買番個先得！

查詢：2833 0955

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝