無論送嘢畀人或自己收禮物，都想環保又實用，係咪？

舊同學Yanki最近轉行搞Event，啱啱行完佢搞嘅展覽會，臨走嗰陣仲收到原子筆同記事簿！後嚟我發現支原子筆同記事簿都係由再生物料造成，Yanki話啲禮品係响「綠星火環保禮品」公司訂o架，部分產品係用環保物料好似有機棉、植物纖維、米糠做，有啲就响設計上可以循環再用，好似環保袋、便攜餐具，減低原料嘅損耗量。

最估唔到嘅係呢間咁有Concept嘅環保禮品店，幕後老闆竟然係20出頭嘅後生仔Gary，佢讀緊Yr3時已經同朋友夾份開呢間店，最初只係推出環保袋，後嚟增加到差唔多40幾種環保產品，仲有自家設計，好似再造紙喇叭，外形一啲都唔輸蝕，仲有天然黃麻購物袋，夠Raw又實淨！仲以為呢間公司只係做批發，原來零售一樣歡迎，我梗係身體力行撐環保啦！

查詢：3568 2102

速買英格蘭球衣

英格蘭冇碧咸參與世界盃，我真係好傷心，不過作為粉絲，我係會繼續捧英格蘭場嘅！早兩日行經Futbol Trend响尖沙咀iSquare分店，發現獨家出售一款「i love u」英格蘭別注版球衣，全白反領設計盡顯簡約風格，胸前有Umbro標誌及英格蘭隊徽，袖口更繡有「i love u」字樣，好鬼靚！我決定豪氣地買番件，精神上繼續為碧咸打氣！

查詢：2424 2122

社區文化光影記錄！

表弟Simon正式係龍友，成日周圍影，有時喺facebook睇到佢啲相，都好想跟佢學嘢，不過佢話自己唔係專家，所以得閒都會參加攝影工作坊。表弟話8月Panasonic搞咗個攝影Workshop，除咗教基本影相知識，最得意係會帶參加者走入社區，用相機探索社區保育文化，老師仲會教參加者用拼貼同埋立體製作技巧，令一張原本靜態嘅相變得富有動感，可惜只係為表弟呢啲90後而設，唔緊要，佢學完再教我咪得囉！哈！

Panasonic「社區夠POP」攝影工作坊

開課日期：8月6日及7日

上課地點：灣仔聖雅各福群會

費　　用：$250

對　　象：14至20歲青少年

查　　詢：2733 3911

天生精打細算，以照顧好一家大小健康為己任。

環保產品都可以好靚仔o架！

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝