31/05/2010

播放本新聞相關短片

頑招!抗加價保Money

最近數月加價潮不絕於耳,最慘係提出加價的不是時裝名店,而是公共事業機構,與市民生活息息相關,想避都避不了。既然如此,即管睇吓係你嘅加價幅度勁,定係我嘅抗加價奇招醒!接招!

根據政府統計處資料顯示,由今年初起計,香港每月通脹率依次為1%、2.8%、2%及4月的2.4%,然而有經濟學家預期,年底通脹率或會升至最高位6%。由下月開始,各項公共交通工具加價,私人樓宇的租金水平亦維持穩定加幅,通脹升幅更有加快迹象,這些都是大家日常生活的必須開支,並非買少件衫就可以慳得到的使費。縱使錢一定要花,但亦可花得精打細算!

絕招1:Check真車費差額

港鐵將於下月中加價,加幅平均為2.05%,每程車費約加1至5毫不等。加價實施後,部分車程的八達通車費可能比在站頭購買的單程車票更貴,這個時候,智能手機便可幫你一把。事關港鐵開發了一個iPhone應用程式,揀選出發點及目的地後,便會顯示車程的八達通及單程票售價。另外,港鐵網站亦有類似車程資料搜索的版面,只要搭車前Click一Click,如發現八達通貴過單程票,就記得自備輔幣排隊買票喇!

絕招2:黐住商場慳電費

中電早前宣布加價2.6%,影響逾200萬人,3成住戶每月需多付$10以上電費。炎炎夏日逐漸步近,中電卻來加電費,即係一開風扇冷氣就如燒銀紙,叫人點頂?幸好香港大小商場是全球最涼快地方之一,無論室外氣溫是36℃抑或20℃,商場也保持15℃「勁爽」氣溫,在家覺得熱嗎?帶定件針織背心到樓下商場逛逛坐坐,不消半小時暑氣全消。

絕招3:慢煮減煤氣用量

上月煤氣公司宣布加價2.8%,實在令不少家庭主婦覺得頭痛,以往常說在家煮飯比上館子更划算,但煤氣加價後,煲啖老火湯分分鐘貴過去食茶餐廳。針對煤氣加價,坊間流傳以極細火烹調能避過煤氣錶讀取用量,不過此說法有待考證,而且當你用細得近乎看不見的爐火來煲湯,可能煲一日都未有得飲。

絕招4:一個飯盒食兩餐

內地近月天災連連,從內地入口的蔬菜、肉類來貨價急升近三成;早前泰國政局不穩,來自當地的香料及食材等亦大幅漲價。食材佔本地飲食業整體開支約三分之一,為求平衡經營成本,部分食肆不得不加價。作為食客,大可使出「一餐當兩餐」絕招,點菜時指明「加底」卻只吃一半,餘下的用自備食物盒打包,留待下一餐再吃,這樣每餐花費便是平日的一半,更可聯同家人於午飯時分別點叫不同菜式,晚上就可食多幾款餸啦。

精明一族點睇

Vica