一支針加多捆羊毛，拮吓拮吓就變出精美蛋糕同動物！

開頭諗極都唔明，淨係攞支針拮吓拮吓，點拮出一隻有手有腳公仔？原來秘密响支針度，其實呢支手工專用嘅戳針暗藏幾個小鈎，每次拮落啲羊毛度，羊毛就會互相交織，情況好似鈎冷帽一樣，支針一上一下，羊毛就愈拮愈實，呢種現象稱為「氈化」，所以又有人叫呢種DIY做「羊毛氈手工」。

拮拮吓就整到成個動物園啦！	由於羊毛比較貴，大公仔一般會用棉花塞滿，屬於中高班程度。	放大圖片

音樂農莊教室導師Miss Yung話，羊毛手工嘅材料同工具好簡單，不過最重要係觀察力同模仿力：「例如製作雞仔嘅一雙翼，需要先將羊毛拮成半圓形，然後修飾為一邊較寬、一邊較尖咁至似，呢個就要考你模仿力啦！至於公仔嘅軟硬程度，可以按個人喜好而定，想硬身就拮多幾吓！」

Step 1. 將淺黃色羊毛捲成圓球狀，一邊捲一邊用針拮，直至圓球變硬當作身體。	Step 2. 把小撮黃色羊毛拮成塊狀，然後從側面把散開嘅羊毛拮整齊，做成雞翼。	Step 3. 雞翼放响身體兩旁，先沿邊界開始拮向身體，就會牢固地黐住。繼而將兩撮啡色羊毛放响身體底部，一邊把羊毛拮向身體，一邊將之捲成半圓形做成雙腳，再用相同方法把嘴部同雞冠拮好。
Step 4. 最後插入眼睛，即成。

「迷你羊毛公仔班」

主辦︰音樂農莊教室

查詢︰2384 2712、2865 0108

關注！OL界大熱：羊毛小手工！

天生精打細算，以照顧好一家大小健康為己任。

世界牛奶日

唔講唔知，原來每年嘅5月底至6月初係「世界牛奶日」，呢個節日由聯合國糧食及農業組織率先提倡，至今已踏入第10個年頭。今年係香港首度舉行相關活動，到時會舉行大型嘉年華，除咗有好玩攤位遊戲，同時上演連場競技比賽，每節勝出隊伍可獲得$500購物禮券！另外，大小朋友更可充當設計師，製作獨一無二嘅牛奶盒藝術品。大會特別邀請本地青年藝術家葉麗雯小姐，擔任美術導師教小朋友創作牛奶盒藝術品呢！

「十字奶世界牛奶日」嘉年華

日期：5月29至30日

時間：11:00am至8:00pm

地點：鑽石山荷里活廣場

查詢：2738 4550

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝