影音發燒友或者都會覺得這款Ferguson Hill FH007幾熟口面，無論係透明嘅圓形或號角形喇叭，都跟幾年前嘅FH001一樣咁經典，不過上一代喇叭有成個人咁高，今次就變成座枱式設計，睡房張書枱都放得落！
透明機身 線條獨特
Ferguson Hill喺03年推出FH001時，在音響界都造成好大回響，身價曾經上到近百萬港元，所以今次呢部「迷你版」FH007都有一定吸引力。兩者外形上都幾相似，同樣用上一對透明圓形喇叭，以及一對附設金屬支架嘅號角形高音喇叭，其特別之處在於能集中聲波能量，當聲音向外擴散時亦不易流失，避免造成過早衰減，令音色更見通透清晰；除咗體積上的分別外，FH007的透明外殼亦改以高密度仿真玻璃製造，線條獨特。
紙盤單元 增臨場感
FH007另一特色是採用紙盤單元來提升音效動態，配合粗矽膠嘅回彈力，可承受更大嘅音量輸出，播放時音色更具臨場感。喇叭內亦採用較佳嘅Class A-B功率放大器，減低失真，而且電子分音器也用上4組各16W的功率放大器，提供更穩定的驅動力，令高、中、低音的分音更細緻。若嫌低音表現未夠好的話，還可以加配四四方方的FH008超低音喇叭，其6吋單元可下潛到50Hz，聲音渾圓厚實，測試時無論是高音、人聲以至樂器聲各方面的表現都幾平均，惹人喜愛。
查詢：3188 0767