早兩年去台灣玩已經留意到Pizza Cut Five呢個當地品牌，依家終於強勢登陸香港！

或者你會問Pizza Cut Five咩咁勁？等我話畀大家知！佢哋專賣設計獨特嘅Print Tee，而且款款都好有趣，喺台北嘅專門店，仲全線設置Pizza雪櫃、Pizza盒、蛋糕櫃嚟陳列貨品，成件事好玩到極！而呢個潮牌終於由Champagne by bubble帶到香港，仲繼承台北店嘅傳統，採用Pizza店嘅格局。既然話Tee係佢哋受歡迎因素之一，等我都介紹番，佢哋最為人熟悉係將台灣老字號鬍鬚張魯肉飯嘅鬍鬚張Logo，以及傳統藥業十八銅人嘅商標重新設計成潮爆圖案，一出唔止台灣潮人爭住入貨，連一眾台星都爭住着，有乜辦法唔Hit呀！

哈哈笑鬍鬚張Tee $328	店內亦有飾物提供，像這款插頭頸鏈。原價$259、特價$130至$181	Pizza Cut Five彩色Print Tee $328
蜘蛛俠鬍鬚張Tee，背面印上鬍鬚張新改嘅英文名！$328	放大圖片	Work Smart Play Hard迷彩Tee $328
品牌亦有推出文具套裝，依家購買2件Tee仲會送一個迷彩File。$99/套	店內利用Pizza盒及蛋糕盒作陳列，好鬼正！	喺雪櫃入面揀Tee，感覺超級Fresh！
印上18字樣嘅十八銅人紫色Tee，好Cute呀！ $328	放大圖片

台星齊撐

彭于晏	范逸臣	MC Hot Dog

又睇啱香水！

女人唔買手袋就買香水，我諗唔到買咩就會睇香水，今次見到Carolina Herrera最新212 ICE香水系列，男士同女士都有，女士淡香水有清新嘅柑橘前調、甜美嘅花香中調及檀香和麝香嘅基調；而男士淡香水則味道清新，每樣都買番支同老公香埋一堆先！

查詢：2893 5573

法國名牌廚具返新貨！

係家庭主婦都迷戀沙煲罌罉，我亦唔例外，法國廚具名牌Le Creuset嘅煲出名傳熱快兼且外形靚，都不知幾恨要一個！好友Grace話Le Creuset銅鑼灣專櫃會推出全新限量版醉人粉紅及粉藍色廚具，包括有唔同尺寸嘅圓形琺瑯鑄鐵湯鍋、25cm橢圓形琺瑯鑄鐵湯鍋、花形琺瑯鑄鐵鍋等。由於呢兩款限量廚具每日售完即止，所以店舖將會以派籌形式售賣，記得早啲去攞籌啦！由5月21日至31日，該店多款廚具仲以正價七折發售，部分甚至低至四折，酒類配件亦以正價八折發售，有買趁手呀！

查詢：2790 1806

台灣潮牌襲港！

天生精打細算，以照顧好一家大小健康為己任。

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝