最近潮流興懷舊，唔單止有商場於早前舉辦展覽介紹了多種本地早已式微的行業，最近更有調查指出原來青少年最想見到人力車行業可以重生，到底呢啲曾經陪住唔少香港人成長嘅行業有乜特色？若然可以的話，依家啲人又最想做邊行？就等小記帶大家睇睇。

小記街訪時更發現不少連聽都未聽過的行業，例如賣波羅雞、設鬼、賣木魚書等等，真係千奇百趣，其實透過了解這些式微行業，各位對舊日香港又有更深入的認識。

人力車昔日主力交通工具

人力車顧名思義是由人力拉動的交通工具，一般有兩個輪子，上有座位可坐一至兩人。起源於19世紀後期的日本，其後傳入中國，1913年上海租界規定人力車需髹成黃色，故又稱為黃包車，後來人力車傳入香港，20年代有超過三千多架，二次大戰後開始衰落，80年代後變成以服務遊客為主。

雖然人力車已式微，但在中環新天星碼頭外仍有人提供人力車服務。	現時不少嘉年華會或巡遊都喜歡加入人力車比賽來增加氣氛。	放大圖片

踩茶愈踩愈有茶味

傳統茶葉的製作過程非常複雜，有所謂「一炒、三蒸、三踩、四堆、四曬……」，共18個工序，踩茶亦是其一。簡單來說，就是將蒸好的熱茶葉放在麻袋中，然後放在踩板上用力踩，使茶袋滾動從而加快茶葉收縮，間接令茶葉更富茶味，但現時製茶過程多依靠機械，人工踩茶已成為歷史。

簡單的一杯普洱茶，原來製作過程要經過18個工序。

棉被用得一、兩年，內裏的棉花就會疊在一起，影響了保暖能力。

彈棉匠彈出鬆軟棉被

近年已愈來愈少人冚棉被，嫌它又厚又重，但在四、五十年代，天寒地凍時有張棉被冚已非常幸福，但棉被用得一、兩年，內裏的棉花就會疊在一起，空氣欠疏通，影響了保暖能力。故當年有彈棉匠一職，利用一張大弓及木錘，將棉被彈鬆，彈棉被時會發出咚咚聲，相當有特色。

市民最想做邊行

細細個阿媽都會彈鬆棉被，所以我都學到些少技巧，我諗我應該可以去做彈棉小姐。	彭先生（產品經理） 人力車都可以講得上係早期香港嘅特色，雖然做車伕辛苦啲，但都想試做拉車仔。	張先生（行政人員） 原來製茶程序咁複雜，但有機會的話都想試做踩茶郎過吓癮。