好姊妹過料，有間香薰中心搞開放日，到時會有免費按摩服務呀！

好姊妹Mandy可以話係半個香薰專家，早幾日佢話我知，經常去Shopping嗰間DK Aromatherapy咁啱9周年誌慶，於5月16日搞個Open Day。當日由12:00nn至6:00pm將會舉辦一連串免費講座同護理服務，包括香薰保健及香薰排毒DIY講座、手部與肩頸按摩、塔羅占卜等，即場更設有大抽獎。另外，部分貨品於當日仲會有七折優惠，亦有大量新貨於當日首度發售。由於地方有限，所有活動將分6節進行，每節約50個名額，有興趣嘅朋友依家都可以打電話去預先登記。至於當日首30位購買貨品嘅顧客，即可免費獲贈足30分鐘香薰按摩一次。

香薰手部護理女士們一雙纖纖玉手，當然要悉心呵護。	印度古法頭部按摩有助紓緩頭痛、眼部疲勞、鼻竇炎等都市病。	塔羅占卜當日會有塔羅專家駐場占卜，可以試吓。
有機花水 可用作爽膚水、調製面膜同護膚品，有鎮靜肌膚作用，分別有羅馬甘菊、奧圖玫瑰、薰衣草、橙花共4款味道。原價$328/套、七折價$230/套	潤唇膏 分別添加咗玫瑰同薰衣草香薰油製成嘅潤唇膏，盒面仲可以當埋鏡用。玫瑰味 $98、薰衣草味 $88	香水套裝 當日先推出嘅走珠筆形香水套裝，樽仔細細，攜帶方便。原價$428/套、七折價$300/套

查詢：2771 2847

韓劇熱爆精品fa

鍾意睇韓劇又愛貓嘅死黨阿Kat有福啦！因為我收到流浪貓雜貨嘅「貓」，知道佢哋最近返咗韓劇《On Air》入面經常出現嘅Myoo外星貓產品，有公仔、咕o臣、手提電話座、電話袋、電話繩、手機套等，全部都可愛趣致，一於快啲通知阿Kat去掃貨先得！

查詢：2836 6328

小交精彩CD

當囝囝仲响我個肚裏面時，佢已經每日聽古典音樂，因為專家話以古典音樂胎教，BB係會聰明啲！唔知係咪胎教成功，依家偶然播啲古典音樂CD，囝囝都好鍾意聽。講到香港古典音樂代表，自然就諗起香港小交響樂團，佢地同音樂總監葉詠詩推出全新CD《就是古典音樂2》，秉承第一輯雅俗共賞嘅意念，今次雙CD收錄咗26首耳熟能詳嘅經典樂章，包括柴可夫斯基《胡桃夾子》組曲、比才《卡門》組曲、莫扎特《費加洛的婚禮》序曲等。

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝