我最懷念紅A膠櫈仔，佢陪住我坐响廚房門口邊玩邊睇叻婆婆煮飯，估唔到依家可以上網買！

近年經常有啲懷舊展，每次最令人津津樂道都係紅A產品！呢個百分百香港製造嘅品牌，已經有50年歷史，但佢哋依然與時並進，除咗不斷研發新產品外，更加入網上購物服務，某些款式及貨品顏色只限網上發售，例如最新研製嘅黑色膠製廚具、桃紅及鮮湖水藍色等坊間少見嘅色系，都可以喺網上買到，而只要買滿$300仲有免費送貨！今次要集合一眾潮師奶上網掃紅A啦！

白色連蓋水杯 $25/2隻

坊間絕少黑色嘅膠製產品，而紅A就突破性地以黑膠製作微波爐飯煲，極具型格。飯煲 未定價

牙刷傳聞

於陳列室八卦時，驚見兩支長約4呎嘅超巨型牙刷，而呢兩支巨刷嘅真正用途已經失傳，但員工之間就流傳兩支巨刷係70年代某主題公園要求紅A生產，以專門為殺人鯨刷牙同刷身用！傳聞真偽已經冇人解答得到，或者真係要搵雲海去追查一下！

啡色燉盅 未定價

可循環用紅色膠叉 $28/6隻

懷舊絕品

叻太早前有幸到訪紅A陳列室，發現咗唔少碩果僅存嘅懷舊製品，雖然市面或網上已買不到，但見面如見至親般令人回味！

經典工廠妹飯壺	紅A水壺呀！	經典膠櫈仔，潮到爆！$26至$32/件

網址︰www.reda.com.hk

連背椅膠櫈，用上較前衞色彩，望落唔輸蝕，而方櫈就夠實用，可負重250磅。膠櫈 $206/張(左)、方櫈 $108/張	街市南貨店專用紅色燈罩，曾有本地家品品牌以此燈跨科出咗一系列產品，依家已在生產線上。$19（不包燈膽）	相信大家响百貨公司見過白色蔬菜脫水器，原來網上有獨家Shape醒橙色！$97

查詢︰2320 6261

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝