今個禮拜日是母親節，年年都係送禮物、陪飲茶似乎新意欠奉，不如親手做份愛心手作仔冧媽媽。洪卓立就決定利用高清攝錄機自拍短片，將平時難以開口的肉麻獨白「藉着DV講愛你」，發現原來自拍高清影片連埋剪輯燒碟擺上網，都只係幾個步驟就搞掂！

細細個就已經有很多鬼主意的洪卓立，試過在母親節時畫了張心意卡，擺在廚房隻鑊裏面待媽媽煮飯時送上驚喜。依家大個仔就改用短片傳情，發現原來用新款DV和軟件，只需拍完片插張卡落電腦，就可即時剪輯燒錄一條龍擺上網，今次就試用Panasonic最新高清攝錄機HS700配合《PowerDirector》進行示範。

Panasonic 3MOS拍1,080p影片

以前想編輯影片，單係將影像由DV帶擷取至電腦已花上不少時間，現在的高清攝錄機不單止插張SD卡過片就搞掂，還加入不少簡易拍攝功能，好像Panasonic的3MOS全高清HS700，內置i.A「認人先決」和「一笑即拍」模式，自動追住靚樣之餘，畫質更大幅提升，還可透過Intelligent Resolution和1,080p逐行掃描技術，令影像更銳利逼真，自拍高清片完全冇難度。

PowerDirector新手變導演

隨着軟件功能的提升，新手想剪出滿意作品亦非難事，好似PowerDirector 8便內置「自動製片精靈」，揀選合適的範本便可自動產生開場、結尾、過場和動態效果，更可將影片燒成AVCHD高畫質影音光碟，或者直接擺上Facebook、YouTube等熱門網站。

HP DV6自製光刻影碟

至於電腦硬件方面，搭載獨立顯示卡的電腦已足夠應付剪片需要，剪輯軟件還可利用NVIDIA CUDA和ATI STREAM硬體技術進行加速優化，慳番唔少轉片時間，值得留意的是有些如HP Pavilion DV6的機種更支援LightScribe光刻燒碟，自製影碟封面就有更多玩法。

孝心DV製作攻略

Step 1:

現時的剪輯軟件大多支援HDV、H.264、AVCHD等高清格式，拍完片插張卡入電腦便可直接做後期製作，今次就以《PowerDirector》為影片加入過場和混音。

Step 2:

想製作特色個人影片當然要花點心思，例如在畫面中加入「I Love Mother」字句，更可即時插入錄音獨白，將平日開唔到口的肉麻語句和心聲，統統錄入影片。

Step 3:

剪輯完影片後可選擇製作成高清光碟或檔案，軟件支援AVCHD DVD及BD光碟，一按「燒錄」即可，並能為DVD加入特色選單。

Step 4:

咁啱洪卓立的媽媽今年母親節不在香港，所以做完愛心DVD後，便將影片直接壓成iPod和手機格式Email給她，又可上傳至YouTube和Facebook。

Step 5:

別忘記孝心光碟都需要包裝，若想凸顯心意，可利用LightScribe或Printable光碟自製封面，好似HP DV6隨機的《SureThing CD Labeler》便可將靚相文字刻在碟面。

Step 6:

用LightScribe刻印或者在碟面寫低情深語句後，便可送給媽媽留念，好似洪卓立畫完心心圖案再在旁寫上「媽媽我愛你！細路上」，每次拿出來重溫都肯定冧爆。

查詢：2833 0955