03/05/2010

叻太日誌

星期日就係母親節,不如幫襯社會企業,準備一份窩心又別具意義嘅母親節禮物!

經常都幫襯社會企業,買到心儀產品之餘,仲可幫助社會上嘅弱勢社群,好有意義!其中新生精神康復會新成立嘅新生精神康復會網上商店,包羅有機/健康產品、有機農產品、花藝與禮籃、手工藝品、鄧麗君產品呢五大系列。Search吓有乜啱送畀媽咪先?嘩,原來有多款禮籃,仲有康乃馨花束添,好多元化喎!

新生精神康復會網上商店

訂購須知:

最少3個工作天,訂購若超過$400可獲免費送貨服務,離島、東涌、愉景灣等地區則額外再加$50。

網址:http://eshop.nlpra.org.hk/

查詢:2327 4931

生活用品

由長者安居服務協會成立嘅居家通網上商店,亦係間社會企業,專門搜羅及銷售多元化及新穎長者家居生活嘅專門產品,好多產品都啱媽咪同奶奶用o架!

居家通

訂購須知:

最少1個工作天,購物若滿$200或以上可享免費送貨服務,但不適用於離島、馬灣及邊境禁區範圍。

黑面幻彩八達通

尋日行開便利店,見到冇咗佢唔得嘅八達通又有新搞作!最新推出嘅迷你幻彩八達通,表面上係一張平平無奇嘅橙色表面,但只要郁吓佢就會變出超級型仔嘅幻彩黑面,十分驚喜,隨八達通仲附送一條酷黑電話繩,今次真係型過古天樂啦!

睛選驗眼禮券

母親節就嚟到,個個Friend都問我送咩畀母親大人同奶奶?年紀有番咁上下,眼睛較易出現老花、白內障、青光眼、黃斑點病變等退化性毛病,所謂防患於未然,定期檢查眼睛實在好重要。理大護眼推出$400「全面眼科視光檢查禮券」,憑券到理大護眼任何一間中心,即可接受一次全面眼科視光檢查,由專業眼科視光師跟進,好過送埋啲唔等使嘢啦!

鯛魚便當袋

星期六送咗囝囝學畫畫後,一個人閒逛,竟然畀我見到呢款以燒烤果子鯛魚燒為主題嘅便當袋,睇外形仲以為係雪糕磚之類美食,但原來一反轉就係便當袋,非常搞笑!店員仲話我知,鯛魚响日本係吉祥嘅象徵,一般响喜事慶典都會見到,又好意頭又實用,連隨買多幾個送畀啲好姊妹,等佢哋返工帶飯用。

叻太起底

年齡:30以上40未滿

職業:全職家庭主婦

家庭狀況:家有老公及4歲囝囝