上月底，LG才在韓國公布採用Full LED Slim技術的LX9500 3D電視，估唔到早兩日就帶了它來香港（港版型號為LX9550），亦順手帶多部目前最大的72吋3D電視LEX9S，連來去匆匆的影帝張家輝睇完後都話心思思想買番部！

除了兩部3D電視外，同場更展出了LG首部3D藍光影碟機BX580，配套相當完善，有消息話LX9550及BX580最快會在5月中推出，而LEX9S則大概要等到6月底，相信暑假前應該有得賣。

要睇3D電視就一定要戴起特製的主動式3D眼鏡。

內置多種3D顯示模式，配合不同顯示需要。

佩戴品牌特製眼鏡

筆者3月底去韓國LG總壇都淨係見過部LX9500 3D電視，所以呢部72吋秘密武器LEX9S都係第一次現真身。LEX9S最吸引之處在於其顯示畫面係目前3D電視中最大，驟眼睇似足小型3D影院銀幕，比起47吋及55吋的LX9550提供更佳的視賞享受。但就奉勸大家唔好哄咁埋，皆因LEX9S最適合嘅觀賞距離係2米，而且要佩戴埋LG特製3D眼鏡，先能夠享受到3D畫面的震撼。

選單畫面跟現時分別不大，同樣簡單易用。	3D電視都內置Netcast功能，可上網瀏覽YouTube影片庫或Picasa數碼相庫。	遙控器上設有3D功能鍵，一按即可切換2D及3D畫面。

LED Slim 省電高對比

LEX9S同LX9550都係用上LG的Borderless機身設計，可能要顧及大畫面設計，邊框就冇LX9550的16mm咁纖薄。兩款3D電視最大特色是用上Full LED Slim技術，好處是能夠將畫面分區，獨立調校LED背光燈的開關，從而令到畫面的動態對比度大幅提升到10,000,000:1，而且亦更加慳電。為了做到流暢的3D顯示，兩機更配備TruMotion 400Hz影像流暢技術，而且結合多種3D畫面顯示模式（上／下、左／右、層疊及畫面間隔），立體效果凸出，加上支援Wireless AV Link無線影音網絡傳輸功能，駁線都方便簡潔得多。

BX580印有3D Blu-ray Logo，證明規格已達到3D播片的要求。

LG首部藍光影碟機BX580，規格不詳，但外形都幾靚仔。

3D Blu-ray機同步登場

不過要顯示出3D影像的威力，當然要有真正3D訊源配合，今次LG亦從韓國帶來旗下首部3D Blu-ray影碟機BX580，雖然暫時此機的資料不多，但跟現行機種一樣，機前設USB插口，機背則有LAN插口，而且讀碟速度都幾快。

查詢：3543 7777