最近有家新開的火鍋店「百銀一鍋」，以自助任食火鍋作招徠，不用剔紙仔、不用落單，客人走到像超市的凍櫃區自取火鍋配料後，即可坐埋位烚烚吓。原來此超市式火鍋概念，來自台灣最流行的「吃到飽」自助火鍋店，店主因一次台灣之旅，嘗過這種任食自取的火鍋後，即時愛上兼決定引入香港。

最緊要快

對於早前開設日式放題店「2000円」的店主來說，今次搞自助火鍋可說冇難度︰「做放題食肆，最緊要速度夠快，材料夠新鮮，保持一定效率。」新店設計雖以台式火鍋店為藍本，但經改良後大有不同，例如甫進店看到的一列凍櫃，雖然同樣放滿數十款火鍋配料，卻細心地分成一份份小獨立包裝，既衞生又方便客人選取；而凍櫃前的長枱則放有巨型海鮮船，並放滿每日由批發商直接取貨的活海鮮，如一般火鍋店少見的角螺、沙蜢魚等。

活海鮮選擇天天不同，必吃大大隻角螺、蟶子及黃沙蜆。

混醬區有8款醬料畀你揀，推介自家製的XO醬及芝麻醬。

5:00pm後即爆場

除了必食的活海鮮和大路火鍋料外，這裏還供應日本黑毛豚腩片、意大利蘑菇香腸及意大利牛脷腸等少見火鍋配料。湯底方面，共有8款選擇，包括九州豬骨濃湯底、番茄薯仔濃湯底、大和粟米忌廉雞湯底、3.6牛乳鮮魚濃湯底等。收費則如店名「百銀一鍋」，$100一鍋，每人可任飲任食100分鐘，採訪當日搭正下午5時，客人已開始湧入，未到6點已經爆場，想食最好預先打電話訂位。

將推出的點心火鍋料，放入湯底內滾2至3分鐘就食得。	a.成都正宗麻辣湯底 b.大和粟米忌廉雞湯底 c.3.6牛乳鮮魚濃湯底 每款湯底都很足料，味道濃郁，店員還不時臨桌為客人加添上湯，以保持湯底的濃度。	打邊爐好似去超市Shopping，幾過癮喎！

收費：一人一鍋，每鍋$100，限時100分鐘。

查詢︰2782 2003