放大圖片

Kary智抵玩HTC Smart

本文重點

平過快過WM機
7大Sense頁面
內置交友軟件
機檔案

Kary（吳雨霏）憑精湛歌藝加Rock女形象，於樂壇以黑馬姿態彈出。提到黑馬，新手機HTC Smart一樣係智能黑馬，佢冇iPhone咁複雜，而是採用全新作業系統Brew Mobile Platform，操作簡單兼規格齊全，加埋7大頁Sense介面，千幾蚊就玩到Smart功能，最啱Kary呢啲怕複雜又想試Smartphone嘅忙碌靚女！

沿用Sense介面，以7個頁面主宰不同功能，HTC Fans應該不難適應。$1,798

沿用Sense介面，以7個頁面主宰不同功能，HTC Fans應該不難適應。$1,798

唔少人把HTC等同Smartphone，旗下Android及WM手機浪接浪地推出，但要打iPhone，靠兩個智能平台都係未夠。今次遂找來晶片製造商Qualcomm合作，採用旗下專為平價3G機開發嘅Brew Mobile Platform（Brew MP）系統，務求控制成本，殺埋入門市場。

平過快過WM機

Smart係全球首部Brew MP手機，但規格絕對唔失禮，事關佢有300MHz CPU，再加埋ROM同RAM都各有256MB，內涵拍得住HTC最新嘅HD Mini同Legend，但價錢就平一截，抵玩好多！由於Brew MP系統唔大食，所以操作都叫暢順，所有程式都係一按即開咁滯，個人認為快過WM機；只是略嫌個2.8吋電阻式屏幕唔夠靈敏，兼冇多點觸控，上網要靠Zoom Bar來縮放，不過佢支援手寫中文，呢樣就唔係部部平價手機都做到。

提供紅、黑、白三色，算係冇咁易撞款。

傳統Trackball抽起咗，機面只餘下接聽、收線、返回及細小的Menu掣（紅圈）。

傳統Trackball抽起咗，機面只餘下接聽、收線、返回及細小的Menu掣（紅圈）。

7大Sense頁面

手機Menu方面，用番HTC自製嘅Sense介面，Fans應該不會陌生，共提供7個版面，各有獨立功能，像是時間、訊息、播歌及相片聯絡人等，只要用手指左捽右捽便能切換，而向上拉就會打開功能目錄，好易上手。惟留意7個版面的內容不像以往般可以隨意自訂，只能靠內置「主題」來增減，美中不足。另外，它亦有全屏幕天氣預報功能，但並非Nexus One的動態Wallpaper，以免令運算百上加斤。

內置ROM僅得256MB，長遠來說一定唔夠用，好在機側可插microSD卡。機身薄過SIM卡，但冇Wi-Fi模組，照計可再薄些少。	機身薄過SIM卡，但冇Wi-Fi模組，照計可再薄些少。	內建300萬像素鏡頭，不懂自動對焦。上方是LED閃光燈，可長着變電筒，仲有幾級光度調校。
屏幕不是Multi Touch，縮放要靠虛擬Zoom Bar。

內置交友軟件

跟App Store相同，Qualcomm未來都會為Brew MP打造網上商店，不過暫定只在中國及印度試行，其他地區的手機就要靠廠商自行開發軟件。這方面HTC有晒經驗，除加入記憶配對、打地鼠、套圈圈等3個Java遊戲之外，還提供交友工具Friend Stream，一次過整合Facebook、Twitter及Flickr等帳戶，在同一畫面睇晒所有朋友仔嘅更新狀態，毋須逐個網頁開咁麻煩！不過受系統所限，除聽歌外就冇得Multi-tasking，因此朋友狀態不能在背景更新，這點就不及正統智能機咁方便。

支援手寫外，還有虛擬QWERTY鍵盤幫你打英文。	相片聯絡人可放9個朋友仔資料，按一下人頭就撥號，好方便！	新工具Friend Stream，可在一個畫面睇晒所有朋友在Facebook、Twitter的狀況。
待機畫面激似Android，連解鎖動作都跟到足，按實畫面向上推即可。