中學同學阿Man搬咗上半山搞House Warming，橫掂過開中環梗係四圍逛啦！咁就畀我發現一間中式格仔舖！

我一見班同學就話見到間勁有Feel嘅格仔舖，佢哋成班即刻噓我，話格仔舖有幾特別呀！我即時解畫，呢間格仔舖「唐三樓」喺正中環荷李活道行人電梯當眼位，仲要用埋超Sharp桃紅色做主色，第一時間衝上去，已經見到好傳統嘅中式櫃枱，再行入啲亦見到好多懷舊Feel嘅物件，連陳設布置都全線中國式，一個個格仔並非見慣嘅白色櫃，反而用上紅×黑色中式櫃。細問之下，負責人話佢哋特別洽商一間夜冷店寄賣懷舊精品，仲用埋嚟做布置添，唔怪得型到爆啦！

一入門口嘅櫃枱，係咪已經好有Feel先？	兩面唔同樣清酒樽，係日本常見嘅阿龜面具及阿丑面具，據講有招運作用。$580/件	舊款史諾比調味瓶 $150/套
印花小碟，無論裝飾或擺涼果都咁掂。$50/隻	阿婆飾物盒 $2,500	懷舊茶几，枱腳好似成個Z字咁，款式獨特。未定價
嘩，細個時用過嗰盞枱燈呀！未定價	茶壺斷開兩截？其實係印有金魚圖案嘅書立。$450/套	單人椅及座地燈除咗作布置外，一樣可以賣，價錢面議。

查詢：2815 5582

返屋企歎Spa！

家庭主婦日日對住啲家務真係身心俱疲，閒時要做Spa輕鬆一下，但出街歎Spa都幾肉赤，所以我買咗Body Shop全新Spa Wisdom系列返屋企試吓。佢哋利用咗海檀木、蜂蜜、柚子綠茶、小紅豆、白米等材料，製成各款礦物鹽身體磨沙、潤膚霜、香氛、抗氧浸浴鹽等，夠晒天然。

查詢：2542 6300

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝