16/04/2010

播放本新聞相關短片

叻太日誌

最近有主題公園搞緊高清動物月,激發我搜羅一眾海陸空得意動物精品大晒冷!

呢排個人悶悶哋,真係要揀啲得意可愛嘅精品放响屋企或公司,一嚟實用二嚟見多啲得意嘢,人都開心啲!依家啲文具、家品都設計得好有創意,金魚係磁石、鴨仔用嚟起釘,當中最盞鬼嘅莫過於暗藏龜蛋磁石嘅小海龜,同埋會食便便嘅豬仔腕墊,佢哋已經成功進駐我嘅書枱啦!

查詢:(a)2694 1111 (b)2402 1289

飲咖啡治感冒?唔Work!

流感又肆虐,最近網上流傳飲咖啡可擊退初起感冒偏方,原理係咖啡可以加速排尿,能夠「沖」走大部分病菌喎!我梗係即刻Call家庭醫生關嘉美,關醫生話:「咖啡對治療感冒百害而無一利,因為咖啡嘅利尿性會令人體脫水,繼而降低抵抗力,而且咖啡因會刺激心跳加速,令人處於緊張狀態、睡眠欠佳、免疫力下降;此外,現時感冒菌類型繁多,若延誤治理,後果可大可小,所以有病始終都係睇醫生安全啲!」

買電器攞汽水贈品

轉眼已4月中,好快到夏天,又係一家人去沙灘享受家庭樂嘅日子,要準備定啲靚靚用品迎接陽光與海灘啦!由即日至5月27日,於豐澤購買指定數碼電子、家庭電器、影音及IT產品,即可獲贈汽水限量版系列贈品,包括浮床、沙灘拖鞋、手挽袋、T恤、貨車帽、水樽等共超過20款,數量有限,送完即止。

查詢:2555 5788

急救浮腫熊貓眼

呢幾晚上網「蒲」夜咗,瞓醒雙眼浮腫,疲態盡現,要立刻進行急救!打電話畀扮靚最叻嘅Grace,佢話啫喱狀而質地清爽嘅Eve Lom 眼部精華應該幫到我,眼部精華蘊含多種天然修護成分如小米草精華,能紓緩疲倦雙眼,而洋甘菊精華能為脆弱嘅眼部肌膚補濕,撫平乾紋,同時改善浮腫,我仲唔即刻買嚟試吓咩!

查詢:3485 7432

叻太起底

年齡:30以上40未滿

職業:全職家庭主婦

家庭狀況:家有老公及4歲囝囝