相信唔少姊妹响前排公假已經瘋狂地Shopping，之但係點可以觀音頭掃把腳呢？當然要買番隻靚錶襯衫啦！

春季開鑼，又係時間入新貨！尋日特登走去錶舖打個白鴿轉，驚見Marc by Marc Jacobs嘅Young款矽膠錶帶手錶出新色，而潮人追捧嘅o.d.m同樣出咗外形別致嘅新錶，好似我呢啲靚太就最啱戴嘞！而D & G同G-SHOCK都有新貨搶住上架，款型不在話下，最吸引嘅係上述所有錶都係千元上下價位咋，身為潮媽梗係第一時間掃貨啦，你哋都要快手入貨啦！

全新Marc by Marc Jacobs Fraser系列腕錶，共有黑、白、黃、粉紅、紫五色，夠晒Colourful，矽膠錶帶壓上品牌Logo，而且售價夠親民，必買！ $890\枚（a）	o.d.m.玫瑰花手錶 品牌向來搞鬼，新款手錶分別有行針或跳字款式，且有黑、白、紅、粉紅四色選擇，驟眼睇仲以為係玫瑰花手鈪呀！ 粉紅色 $650、紅色 $1,090（b）	D & G Medicine Man手錶 賣相超級特別，錶帶分別有黑色或白色皮帶，當做情侶錶就最鬼Fit！$1,900\枚（b）

任何年代嘅潮人都要有隻G-SHOCK傍身，早前由佢哋一手帶起嘅顏色錶熱潮，至今仍未減褪，唔少款式仍長賣長炒，話咁快，2010年新品已經見街，你仲追舊款呀！

GA100系列橙黃色手錶

備有行針、跳字雙顯示，功能強，潮得嚟實際。$950（b）

6900系列彩藍色手錶

第一代隻隻都當炒，新色比較「女仔」，啱晒喜歡大錶面嘅美女如我！$880（b）

6900系列綠色環保特別版

屬於當旺炒色，錶款特別增添太陽能充電系統，唔使用電池，錫住地球！$950（b）

查詢：（a）2437 1295 （b）2740 9068

八達通買嘢有着數！

如果你問我世上最偉大發明係咩？我一定答係八達通！依家八達通愈嚟愈方便，尤其是Shopping仲有好多着數添！由即日至4月24日，只要以八達通响大昌食品市場、大昌食品專門店購買指定食品及飲品，就可享有低至45折優惠，數量有限，售完即止，各位師奶仔，唔好走寶呀！

查詢：2216 8068

買梳打餅贏簽帳額

以前返學，茶點時總係食梳打餅，真係充滿兒時回憶。行開超市，發現嘉頓梳打餅出咗新口味，仲搞緊推廣活動。由4月16日至6月10日，凡購買嘉頓梳打餅（優質梳打餅系列除外）後致電8209 9096，按指示輸入個人資料同收據金額，即有機會贏取$20,000免找數簽帳額、$3,000護膚品禮券、$2,000百貨禮券等。另於優惠期內一次過購買梳打餅滿$20，即可憑有效單一收據正本及相應產品吉包，到全線SKINFOOD免費換龍舌蘭仙人掌系列試用裝兩份，購買同系列正價貨品更可當$50用呀！

查詢： 8228 8482

阿妹有好嘢：票尾換山頂纜車車票優惠

近期港產片回勇，尤其係講述舊區情懷嘅溫情小品更受追捧，仲掀起一股社區旅遊熱，估唔到連山頂纜車都乘勢推出優惠。阿妹Josephine趁Lunch Time打畀我嗲，佢話由即日至5月12日，憑電影《月滿軒尼詩》票尾可以八折購買山頂纜車車票（來回），以及山頂纜車摩天套票（來回）。買張飛上山頂，遊吓港島，感受舊區情懷之餘，仲可以順便同老公過下二人世界，好浪漫呀！

查詢：2522 0922

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝