一個廣告成功與否，確實有賴概念的構思及拍攝手法。早前，一間餅店為推銷全新口味蛋糕，就找來新面孔Evelyn Huang化身天使與魔鬼，一人分飾兩角，對比強烈，令人留下深刻印象。今日百變的Evelyn Huang就推介一大堆親民價大牌子首飾，件件Sharp醒，勢要在春日攞彩。

老實講，這個世界是現實的，商品只要印有牌子的大名，不論是靚袋、靚鞋或靚衫閒閒地都要索價幾千元以上，問心真係未必人人買得起。慳妹Evelyn Huang話：「相信大部分人都想擁有大牌子貨色，但做人要識得量入為出，切勿盲目追求。如果真的想擁有一兩件名牌貨色，手頭資金又有限的話，不妨退而求其次向大牌子的首飾埋手，有名氣之餘，價錢又抵玩。今個春夏，我就執咗一批Marc by Marc Jacobs筍貨，色調夠Sharp，數百元有交易，名牌大家都買得起！」

（左）Marc by Marc Jacobs大眼妹頭頸鏈 $1,131（右）心形大眼妹頭頸鏈 $1,071

Marc by Marc Jacobs彩色英文字樣手鈪各$1,131-$1,241

出色扭紋

Bottega Veneta出名玩扭紋織皮，2010年春夏，更推出誇張色系的皮革料貓公仔電話繩，及運用一系列鮮色調子如紅、紫及藍等，配合經典的扭紋織皮設計，製作成多款鮮艷色彩的手鈪及手帶。

紫、紅色貓公仔電話繩各$703	紫、藍色織皮手帶各$1,074	紅、紫、藍、棗紅色織皮手鈪各$1,074

可愛大眼珠

童心未泯的Marc哥，自從創作出大眼妹Miss Marc後，外界反應一直極佳。今季，Marc哥繼續請來人見人愛的Miss Marc出場，頸鏈、髮夾、耳環及戒指都見其蹤影，試問你點可以唔買呢？

大眼妹頭頸鏈$706	大眼妹頭髮夾$272/對	大眼妹頭戒指$510心形大眼妹頭戒指$510

糖果膠戒

全城皆知孖F字樣是Fendi的獨家商標，來到今季，飾物也要來個小革命，大玩孖F字樣，粉絲如我也心郁郁想買番件傍身。當中推介有如糖果般的巨型塑膠戒指、少女味的心形吊飾手鈪及硬銷品牌的孖F標記手鈪。

心形吊飾手鈪$1,318	黑色孖F標記手鈪$1,020紫色孖F標記手鈪$1,530	粉紅、粉藍色孖F標記塑膠戒指各$1,190

查詢：2970 2231