間中同叻生開開小玩笑，生活先有情趣！所以我點會放過今日愚人節呢！

有日行觀塘收到張廣告傳單，原來喺工廠區有間叫「Homesuite」嘅樓上舖，專賣唔少惡搞家品，用嚟整蠱人，大家笑餐飽，效果都唔錯。咪以為惡搞家品一味得個「玩」字喎，其實都好實用，我最鍾意就係大鼻洗手液器，外形超級搞鬼！

嬌俏嘅大眼仔外星人留言機，方便留言畀夜返嘅叻生提佢飲湯，感應距離為1米，當大眼仔於此範圍內感受到有物件郁動，就會自動播放留言。$128	叻生朝朝早賴床，一於搵Keep Fit健身啞鈴鬧鐘幫手！響鬧後一定要舉30下鐘聲先會停止，少一下都唔得，死未！$98	無聊彈指神功訓練機，只要對住拳袋出力一彈就知手力，6盞燈齊着就攞滿分！$228
號稱魔幻電子浪漫投影吹熄蠟燭，只因輕輕一吹就熄燈、再輕輕一吹又着燈，相當鬼馬，今晚要同叻生大玩特玩！$38	搞笑嘅魔幻光燈牛奶杯，3粒3A電就着燈，LED燈芯光線柔和，最啱放响囝囝床頭當夜燈用。$28	打開個盒仲以為叻生送戒指畀我，拎出嚟先發現係水杯，都幾Sweet嘅！$68

百貨公司特賣展

一分錢一分貨，可以話係Shopping黃金定律，所以但凡百貨公司大減價，我都會飛身去入貨。由即日至4月6日，永安百貨舉行「兒童節精選禮品」及「優質旅行用品推介」，有多款兒童玩具及精品、旅行用品皆以優惠價發售，以下係我嘅心水推介，事關全部係獨家優惠！

查詢：2318 2395

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝