復活節商場活動唔係兔兔就係復活蛋展覽，有啲悶！

同叻生睇得多BBC啲海洋紀錄片，對於深不可測嘅海洋總係有無窮幻想！奧海城於復活節期間舉辦以海洋保育為主題嘅大型展覽，首度在港展出共24件珍貴罕有嘅海洋生物標本。為求逼真，商場參照真實嘅水族館設計，興建全密封式展館；走入展館更會聽到海浪聲，無論在視覺及聽覺上同時有如「置身」海洋世界一樣！

長尾鯊頜骨模型 屬國際自然保育聯盟（IUCN）紅色名錄瀕危指標─易危（VU）狀況。	棱皮龜 現存不足25,000隻，瀕臨絕種邊緣，屬世界上最古老、體形最大嘅一種龜類，最長達3米，最重達900公斤。	雙吻前口蝠 闊度較長度多兩倍，能游入海洋表層捕食，亦會經常躍出水面，作短距離滑翔。
斑海豹 為中國國家二級保護動物，每逢繁殖、休息和換毛季節均需走到冰上、沙灘或岩礁上，其餘時間則在海中游泳、覓食或嬉戲。	信和集團商場推廣總經理蘇蔡潔蓮表示，希望藉此展覽喚醒大眾愛惜珍貴嘅海洋生物。

「奧海城海洋微妙世界」

日期：即日至4月11日

時間：10:00am至10:00pm

地點：奧海城2期地下主題中庭

查詢：2271 4168

換食飯袋支持護苗基金

「食飯袋」可以話係女士恩物，每逢Lunch Time不論細路女、OL還是中女，總會一人手揸一個，陪伴左右，你話個食飯袋幾咁緊要呢！由4月1至6日於時代廣場或食通天消費滿$800（合共不多於2張即日發票），然後捐助$40予護苗基金，即有機會換領花布食飯袋，好樣之餘仲可以做善事，你話我點會唔支持，何況護苗基金創辦人蕭芳芳係我偶像嚟o架！

查詢：2118 8900

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝