雖然香港地「豆膶」咁細，但隱世食肆卻不少，唔熟路嘅人分分鐘三過店門而不入。好彩近年消費性流動定位服務（Location-Based Service，LBS）日益流行，透過手機即時尋找附近食肆之餘，仲可以睇食評、直接Book位甚至規劃路線。今期就為大家介紹數款最流行嘅LBS手機同服務，等大家唔使睇阿蘇，都一樣成為搵食專家！

平時我們使用GPS，都是預設了出發點及目的地，然後透過衛星定位來規劃路線。LBS則不同，它是根據用家所在地的位置來提供附近地區的相關資訊，直接以消費娛樂等興趣點（Points-of-interest）作為搜尋目標，例如用家在銅鑼灣SOGO，它會先顯示附近的餐廳資料，然後用戶便可致電訂位、查看位置甚至透過LBS直接帶路。

LBS手機

雖然大部分LBS服務都需要用家自行安裝，但最近有幾部新機都不約而同在出廠時預載了LBS程式，而且價錢大眾化，即睇！

導航掣帶路　Garmin-Asus M10

定位速度媲美專業PND導航機，並且預載了香港、澳門及廣東地圖，手機還提供60萬個附加資訊，例如銀行、觀光點甚至油站等，每項都有詳細電話同地址，簡直係一條龍服務！而針對一眾老饕，此機更內置了OpenRice程式，跟網頁版一樣睇完餐廳資料及食評，揀啱就可立刻導航帶路，搵食話咁易！

暢遊中港澳　Lenovo P707

P707預載了多達31個中國省市及自治區地圖，有齊北京、上海、河北等熱門旅遊勝地，一部機走勻全中國。地圖的建築物分類多達130種，行到邊都會自動找出鄰近的酒店、餐廳及油站；而且還有旅遊名勝簡介，堪稱國內版《Lonely Planet》。

雙地圖互補　LG GT505

除了Google Maps外，此機還安裝了LG自家開發的Wisepilot地圖。Wisepilot需用GPS來定位，好處是提供勁詳細嘅消閒資訊，例如食肆、觀光點甚至油站等，然後畀埋查詢電話、地址，甚至連行車及行人路線都有齊，超級詳細。

iPhone專用LBS《YiYi》

《YiYi》是一款專為iPhone而設的LBS程式，它會根據用家位置及喜好，自動不停更新附近的即時資訊，一有「新料」便會發送給用家。

查詢︰（a）3582 4738、（b）2750 1128、（c）3543 7777