北歐嘅家具同嬰兒用品出名設計獨特，而風行歐洲嘅嬰兒用品品牌Stokke近日便首度進駐香港。
嚟自挪威嘅Stokke專門生產嬰兒起居用品，由於外形時尚兼出名耐用，所以响歐洲深受歡迎，旗下嘅熱賣產品當然要數受名人熱捧嘅Stokke Xplory嬰兒車，荷里活星級媽咪如安祖蓮娜祖莉，本地潮媽張栢芝、吳君如都係佢哋用家呢！
另外，以手做泰迪熊而聞名嘅德國百年品牌Steiff，最近出咗專為豆丁而設嘅「史戴芙孩童精品」系列，以經典嘅泰迪熊、小兔、小羊及小象公仔製成各種玩意，所有產品均以柔軟毛絨製成，而針織嘅配件更混合咗優質羊絨，絕對軟腍腍，唔會拮親BB幼嫩嘅皮膚，而且每款產品都有品牌嘅白底銀字耳扣，係BB嘅最佳枕邊玩伴。
Stokke Xplory嬰兒車$10,990起（a）
無論是手柄、座椅和車頂帳篷都可以調校方向或高度，配合BB身體成長變化，座椅仲可兼當餵食枱，而前座底部其實係儲物袋，手柄位同時設有擺放樽裝飲品嘅水兜，當然都可以擺奶樽啦！
毛織泰迪熊圍巾 $1,230（b）
軟綿綿嘅小熊圍巾，可以墊住個頭仔或者畀BB握住嚟安心瞓覺。
毛公仔$1,640、手環 $820（b）
愜意安坐小兔毛公仔，係BB嘅安睡良品，而手環可放心畀BB磨牙、玩耍。
Tripp TrappR嬰兒椅$2,290起（a）
設計符合人體工學，將上層層板拆去就變成普通椅子，還可自由調校高度，共十二色選擇。
Stokke Sleepi嬰兒床$10,980起（a）
橢圓形設計營造出鳥巢般柔軟安全嘅環境，亦可隨住BB成長而變身為大型睡床、遊戲圍欄甚至小梳化，適應BB成長變化嘅需求。
查詢：（a）2987 8178、（b）2521 8626
叻太出招：除毛衣線頭方法
天氣時暖時寒，着小件衫就好容易傷風感冒，所以我仲未收埋啲毛線衫。囝囝有件毛衫前年先買，仲啱着，但兩隻手袖已經起晒線頭，好彩我識得除線頭方法，都幾Work，不過要有啲耐性。首先可以用乾海綿擦走毛衫表面嘅線頭，又或者將膠紙黏合面朝外先套响手上，用手輕輕黏住毛衫上嘅線頭，然後用剪刀剪掉，包搞掂！
新口味芝士蛋糕
日式輕芝士蛋糕一向都係「賣飛佛」，最鍾意食落去軟綿綿、滿口芝士味，正！尋日送囝囝返學，經過大班西餅，發現佢哋出咗新口味日式香杧芝士蛋糕，用忌廉芝士加上香味獨特嘅澳洲蘋果杧，未食已經聞到陣陣杧果香氣，好幸福呀！
查詢：2328 8162
精品店購物優惠
由細到大我都鍾意儲飾物同靚靚擺設，所以逢親有咩精品優惠又點會錯過吖？如果你都係精品迷，記住留意Hallmark專門店每月推出嘅購物優惠，期期都有唔同產品以優惠價發售㗎！今個月嘅精選係Russ Berrie Yomiko系列嘅可愛史納莎小狗公仔，條頸仔仲戴上Russ名牌嘅狗帶添，好精緻㗎！
查詢：2811 2123
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝