去到日本，先發現好多o架妹鍾意拎住相機和手機影Snapshot，Olympus為此打造新一代輕巧換鏡細機E-PL1，將機身減磅之餘，仲強化ART濾鏡和iAUTO等玩相功能，得知這部人氣潮機明天（3月17日）將登陸香港，一於在日本街頭請來幾位靚女試玩新機，過幾招畀大家輕鬆影靚相。

與上一部換鏡細機PEN E-P2相隔短短三個月，全新PEN Lite輕巧系列突然現身，沿用1,230萬像素CMOS及Micro 4/3鏡頭系統，換上黑、白、金三色輕身膠殼，唔止輕咗、易用咗、好玩咗，仲要平咗！香港套裝定價$5,490，比早前的E-P2足足平近三千元，令換鏡細機變得更親民、更合女生使用。

放大圖片	放大圖片	放大圖片

第一式：明治神宮 懷舊ART濾鏡

到日本旅行當然要影一吓名勝古蹟，平時拎大機又重又悶，好彩E-PL1得296g夠輕身，能換鏡拍出專業靚相外，還內置6種ART濾鏡，想凸顯明治神宮的復古感覺，只要啟動全新的「懷舊」濾鏡，眨吓眼相片就充滿古色古香的風味。

E-PL1連14-42mm kit鏡比上代E-P2平近三千元，明天將在香港正式發售。	2.7吋芒在戶外環境下仍睇得清清楚楚，還可用番上代VF電子觀景器。	進入ART濾鏡可看到6款選擇，較常用的是「針孔」、「透視」和「懷舊」。

第二式：涉谷街頭 高ISO唔起渣

晚上行到潮人集中地涉谷，正好測試高ISO影夜景及室內雜訊表現，雖然感光度只有ISO 100-3200可選擇，但即使跳至ISO 1600時，原相放大都唔覺起渣。最吸引是新機終於順應民意加回內置閃燈，要補光或飛燈就更方便。

第三式：簡易操控 iAUTO轉色調

想影出大機質素但又怕麻煩的話，很多人會選擇自動或場景模式，玩E-PL1就仲簡單，只要扭去iAUTO智能自動優先模式就搞掂，利用iEnhance去分析場景並改善色調，拍攝時仲可透過Live Guide手動調節飽和度、亮度等，好玩過單反大機。

轉盤備有ART濾鏡、SCN場景和iAUTO智能自動優先選擇，基本上使用iAUTO已能影到靚相。

進入iAUTO後會自動開啟iEnhance優化功能，另可在拍攝時以Live Guide手動調節飽和度、亮度等設定。

第四式：換鏡拍片 加高清特效

唔單止影相多花款，連拍高清片時都可換鏡和加入不同特效，全因機背追加獨立錄影掣，在ART濾鏡模式揀啱合適特效後，一按錄影掣便即時拍片。近期更推出9-18mm廣角和14-150mm天涯鏡，稍後還可加E-PL1防水殼落水底拍片，諗起都正。

試相

在日本古建築下使用「懷舊」濾鏡，感覺像老照片，更添風味。	使用自動模式時，即使感光度跳至ISO 1600隨拍夜景，放大後黑位都唔起粒，媲美大機質素。	使用iAUTO功能拍攝食物時，單靠現場光已影到不錯效果，想畫面豐富一點的話，可調校飽和度，令色彩更濃。

機檔案

感光元件：1,230萬像素CMOS

鏡頭系統：Micro 4/3

快　　門：1/2000秒至60秒

顯　示　屏：2.7吋LCD

其　　他：6種ART濾鏡、iAuto自動場景、高清拍片

尺　　寸：114.6×72.2×41.5mm

重　　量：296g