行最新嘅西貢海濱市集，Shopping兼呼吸新鮮空氣，爽！

聽舊同事Suki講，最近西貢海濱長廊開咗個「西貢海濱樂園購物天地」嘅小市集，逢星期六、日同公眾假期都會有好多特色攤檔，專賣綠色環保物品、創意DIY藝術品、二手物品，同埋特色貨品，依家固定都有20幾檔，聽講三月底仲會開埋小食檔添！有新嘢，我梗係即刻去Look Look啦，真係畀我搵到好嘢添！

木製嘅祝福語掛飾，係基督教得生團契嘅學員親手雕刻。$75至$100/件	市集好多布藝DIY，格仔銀包Cutie又實用。$25/件	靚靚鴨仔、蝴蝶珠仔手機袋左 $60/件右 $50/件

西貢海濱樂園購物天地

陶瓷茶具$200至$220/套	兩款迷你油畫係香港藝術學院嘅同學仔傑作，好有愛麗絲Feel！$77/張	手製粉紅色環保布袋小 $48大 $78

開放日期：逢星期六、日及公眾假期

自家浸有機果醋全部係檔主用自己種嘅有機蔬果浸，分別有辣椒、牛蒡、洛神花同柑桔，飲用時以5至10倍清水沖調，酸酸哋，好味！$150/500毫升$350/2公升	無患子天然清潔劑含有皂素嘅無患子，用嚟洗頭、洗衫、洗地、洗手都得，仲有薰衣草同原味，三粒就夠洗一機衫，可翻用兩至四次，天然又環保！$80/包（約100粒）	公平貿易有機椰蜜產品由椰子花蜜提煉而成嘅椰糖，沖咖啡會有香濃椰子味，仲有椰子、榴槤同大樹菠蘿味道嘅果醬，升糖指數低，超級健康！有機椰糖 $80/50小包特純椰子花蜜及各款果醬 $60至$65/支
意大利生菜盆栽意大利生菜最啱整沙津，食完棵菜後可以將泥同盆拎返嚟「按盆」，會退番$3！$15/盆

開放時間：10:00am至6:00pm

行行吓巧遇肥嘟嘟嘅流浪牛！

一場嚟到，梗係欣賞埋西貢嘅靚海景啦！

查　　詢：2792 1762

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝