人少少，想試多幾款美食？成班人開餐，同樣想開懷大嚼？要滿足以上要求，小記推介放題，一個價錢即享無限任點任食，仲有專人奉餐，感覺分外尊貴。位於酒店內的和田日本料理，除供應過百款東瀛美食外，為慶祝開店兩周年，更推出《星級激賞美食》優惠，包括貴價的松葉蟹、北海道珍寶帶子及牡丹蝦刺身等，絕對是不計成本益食家！
貴價海產 人人有份
本以為和田日本料理供應過百款東瀛美食，包括任食從日本入貨的刺身魚生、壽司、鍋物、煮物、爐端燒、天婦羅等等，又有汽水及啤酒任飲，已經足夠回本，兼且捧腹而回，但原來驚喜在後頭！餐廳為慶祝開店兩周年，隆重推出《星級激賞美食》！不計成本將貴價海產奉客，每位食客均可揀選其中一款：如原隻松葉蟹（每8位1隻）、牡丹蝦刺身（每位1隻）、原板海膽刺身（每4位1板）及北海道珍寶帶子刺身（每位1隻）等，美食可謂數之不盡，想試就即刻訂枱啦！
送生日蛋糕
凡惠顧午市或晚市放題，當月生日之食客可獲朱古力生日蛋糕一個。蛋糕優惠只適用於6人或以上，及必須兩天前預訂。
優惠Tips：
1.惠顧滿$200，即可享粵華酒店停車場2小時免費泊車。
2.任飲的飲品中，除了多款罐裝汽水及飲品外，更有貴價日本麒麟一番啤酒，飲得之人，不容錯過。
3.星期一至五午市九折優惠，公眾假期除外。（所有食物圖片只供參考）
和田日本料理
地 址：北角渣華道67號粵華酒店2樓（港鐵北角站A1出口）
訂座電話：2508 2051/8200 9688