剛剛過完農曆新年假期，相信大家都逗咗唔少利是，手頭鬆動自然心癢癢想行街Shopping買吓嘢！聽日正月初七，即係「人日」啦，亦係全人類的生日，既然係「生日」又點少得送生日禮物氹吓人開心！

查詢：（a）3102 2783　（b）2771 7707

Sit Up肌肉男$298（a） 十個中年男士，九個發福，唔想到時「腹大便便」的話，就要及早做運動Keep Fit，女生不妨趁送上這個USB Sit Up公仔，當作無言的提醒，相信男士們見到自然會醒水。	閃爆Kitty$498（a） 閃令令的東西永遠最能鎖住女生的視線，再加上Hello Kitty圖案，魅力肯定沒法擋。這款Hello Kitty紅色閃石光學Mouse，女生收到後定必開心到震。	捽碟大合奏$598（a） 很多女生都說男人就像大唔透的細路哥，這隻具備捽碟功能的Mouse就最啱這班愛玩的大男孩。只要在電腦安裝隨鼠附送的軟件，隨時都能Mix出個人心水勁歌。
能屈能伸$168（b） 跟平時常見嘅背夾Webcam唔同，呢款人形眼仔，整個人仔機身都可任意扭動，方便它「企」喺枱上或「坐」喺芒頂，襯晒有個性的型格男士。	心心傳情$138（b） 這款專為女生而設的心形Webcam，不單止外形討好，心心的左邊更可以作180度旋扭，配合頂部的三盞LED燈仔，就不用擔心嗰樣變得矇查查。	蕉氣勃勃$280（a） 愈來愈多用家都改用可以循環再用的充電池，不過帶住個充電器出街就真係唔多方便，不如改用這隻充電蕉，插入電腦的USB即能充電。
年年有餘$138（b） 相信大家都遇過USB插槽唔夠用的問題，買條有7個USB插槽的「年年有魚」魚骨形USB分插器，問題即時迎刃而解！