早兩日密集式拜年，今日終於可以响屋企H e a吓！老公聽日就開工，最好沖杯安神茶，紓緩情緒。
玫瑰薰衣草茶
材料：玫瑰花3錢、薰衣草2錢、檸檬草2錢
做法：將材料放入杯中，注入沸水沖洗一遍，再加入沸水焗約15分鐘，去渣後即可飲用。
功效︰
玫瑰行氣安神、幫助睡眠、紓緩壓力及緊張情緒；
薰衣草鎮定情緒，紓解憂鬱及焦慮，改善失眠；
檸檬草健胃、利尿、預防貧血及滋潤皮膚。
提提你：
因為薰衣草具通經效用，故孕婦忌食，而患有低血壓人士飲用薰衣草後，可能會有輕微暈眩現象。
玫瑰白菊花紅棗茶
材料：玫瑰花２錢、白菊花２錢、紅棗10粒
做法：將材料放入杯中，注入沸水焗約15分鐘，去渣後即可飲用。
功效︰白菊花可以平肝潛陽、疏風清熱；
紅棗養血活血、養胃健脾、抗壓解鬱。
我個Friend千草醫藥坊註冊中醫師譚莉英話，所謂「肝主情志」，成日處於壓力下，容易氣滯血瘀，產生頭痛、口苦、頻頻嘆息等徵狀，亦因為肝氣鬱結而導致傷害脾胃，呢個時候最好就係飲番杯花茶Relex。
花草係大自然產物，所以花草茶對於調理身體有一定療效。眾多花茶中，玫瑰花特別適合女性，因為具活血調經、疏肝理氣功效，專治療婦女情緒問題，兼平衡內分泌、紓緩壓力同埋促進新陳代謝。此外更可補血氣，促進肌膚光滑彈性，對肝及胃有調理作用，仲有消除疲勞，改善體質嘅功效呀！
玫瑰美白面膜
情人節啱啱過咗，收到Darling啲玫瑰花之後點處置好？依家市面有好多護膚品都加入玫瑰成分，皆因玫瑰具滋潤皮膚、防敏感功效，對乾性皮膚同濕疹人士尤有幫助。一於DIY玫瑰美白面膜，煲滾水之後放入15朵乾玫瑰花泡開，8分鐘後過濾玫瑰花水，冷卻後用嚟浸面膜紙，就可以變成Paper Mask啦！
叻太講古：何謂赤口？
農曆正月初三又稱「赤口」，根據中國傳統習俗，呢日特別容易同人發生口角，所以通常都唔出去拜年。赤口亦稱「赤狗日」，據說是日「熛怒之神」當道，會帶嚟唔吉利；而「赤」字亦含「赤貧」之意，外出沖犯赤狗會帶嚟貧窮（啋！）。咁唔去拜年有咩好做？除咗留响屋企休息，仲可以去車公廟祈福、郊外遠足或者入馬場行個大運，我當然同可愛嘅周公「促膝詳談」啦！
買第二副眼鏡7折優惠
尋日响銅鑼灣撞到好朋友Cally，大家講完恭喜發財後，個衰婆就問我：「我今日有咩唔同？」我一眼就睇得出佢換咗眼鏡。原來佢過年前响LensCrafters買嘅，由即日至3月28日喺嗰度買任何一副眼鏡（鏡架、鏡架連鏡片）或太陽眼鏡，即可享第二副7折優惠。
查詢：2343 8223
法式BB護膚品
小朋友啲皮膚好似剝殼雞蛋，搽少次Cream就爆坼、搽唔啱Cream仲會敏感，好彩表姐Suki舊年去法國旅行時，買咗一批Biolane嘅BB護膚品畀囝囝用。呢隻由法國藥劑師Dr. Chabrand於1972年成立嘅品牌，已經有38年歷史，其專利成分水解小麥蛋白（Hydra-bleine）能有效將水分鎖緊於皮膚中，成為鞏固BB肌膚嘅天然屏障，依家响香港都有得賣，囝囝啲皮膚有救啦！
查詢： 2997 7660
買香水有嘢送！
老公鍾意我搽香水，話女人味會濃啲喎，為咗過年呢幾日有新香水用，我早早就入咗新貨。由即日至2月22日，喺SEPHORA Burberry香水專櫃選購Burberry香水產品滿$650，即可獲贈Burberry Brit身體潤膚露50ml及Baby Touch化妝包連梳刷套裝一份。另外，選購指定Burberry Sport男女香水產品，即可獲贈Burberry Fragrances沙灘大毛巾。數量有限，送完即止。
查詢：2771 8061
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝