喺農曆新年呢個咁喜氣洋洋嘅日子，梗係要熱熱鬧鬧玩番餐啦！大家只要喺今日蒞臨沙田馬場，就可以攞番個頭彩！想知有咩精彩節目？記住留意以下介紹喇！

入場即送 開運電話繩

入場嘅朋友將可獲贈「開運電話繩」一份（每人限領一份，數量有限、派完即止），除得意馬仔電話繩外，更附有周大福「虎年金章 （套裝） 」或「君臨天下」購物現金券$300，另送「虎年頭彩擦擦卡」一張，擦中就有機會贏取一両重純金馬蹄鐵及其他豐富獎品，總值高達80萬。

名家擺陣 旺氣桃花王

拎完禮品，就記得行去睇吓由著名風水顧問麥玲玲擔任顧問、於公眾席廣場設置的「旺氣桃花王」同風車陣，齊齊轉個好運喇！咁虎年自然財源廣進、馬運亨通啦！

「虎年頭彩擦擦卡」（推廣生意的競賽牌照號碼：033334）	一両重足金馬蹄鐵（圖片只供參考）	人氣歌手官恩娜
演藝紅星佘詩曼	名廚周中師傅

開幕匯演 群星拱照（上午11時至11時50分）

仲有呀！今日喺馬匹亮相圈將舉行盛大綜合匯演暨開幕典禮，節目包括演藝紅星佘詩曼及人氣歌手官恩娜獻唱賀年歌曲、風水顧問麥玲玲同大家分享虎年開運貼士；仲有舞獅匯演同騎師拜年賀新歲添！而名廚周中師傅亦會聯同財神大派利是o架！

美國聖地牙哥電光啦啦隊	俄羅斯民族舞蹈團	意大利旗幟儀仗隊

暢遊「富貴墟」 旺上加旺（中午12時至下午5時）

想新一年旺上加旺，就記得要去到港鐵馬場站平台嘅「富貴墟」喇！皆因風水顧問麥玲玲將會現身主持「虎年開運講座」，為大家指點迷津o架！另外，名廚周中師傅更會聯同官恩娜及麥玲玲，喺特定時段示範賀年菜式，節目咁豐富，大家千祈唔好錯過喇！

「盤滿缽滿」（迷你盆菜配飯）

「荷包常滿」（鮑汁元貝荷葉飯）

黃金藝術珍品展 大開眼界

周大福於港鐵馬場站平台設置「周大福黃金藝術珍品展」，展出一系列黃金珍品，當中闊80厘米，高88厘米，重約438両嘅手做黃金花卉擺件「花團錦簇」絕對係展覽焦點！而庚寅「虎」年珍藏限量版金卡亦可以喺場內買到 。

民間工藝 大師製作

馬會特別邀請中國及本地民間手工藝大師示範及製作吹糖、畫糖畫、捏面人等傳統民間手工藝，對傳統文化藝術有興趣嘅朋友，記住咪錯過呀！

應節佳餚 大飽口福

多款賀年應節佳餚於「好賞食」美食廣場限量供應，美味與意頭並重，保證各位口福滿載。

閉幕巡遊 圓滿謝幕

喺尾場賽事結束後，一眾國際表演團體將在草地跑道上作閉幕巡遊，為農曆新年賽馬日作圓滿謝幕。

焦點賽事 萬勿錯過

「賀年盃」（第八場，於下午4時05分開跑）

「Mercedes-Benz香港打吡預賽」（第九場，於下午4時40分開跑）