聽日一早要到老爺奶奶屋企準備團年飯，佢哋好傳統，雞、蝦碌、蠔鼓一定唔少得，之但係呢啲嘢都幾高膽固醇喎！
又要勞煩我個Friend─Elyze身體年輕再造中心專業營養師Hilda Yang教路嘞！Hilda話團年飯一般較為油膩又以肉類為主，為免攝取過多熱量，早餐同午餐應多以較低脂嘅五穀類食物作主要食糧，可以揀以下低升糖指數（Low GI）嘅食物：
早餐：全麥麵包、五穀包、粿麥包配低脂芝士或低脂乳酪、大片麥皮或早餐穀物（全麥片）配脫脂奶或高鈣無糖豆漿。
午餐：番茄湯素菜湯意粉、冬菇木耳蘿蔔清湯米線、紅米糙米飯糰（配料可用粟米粒、海帶及菇菌類）。
Hilda仲話，下午茶不妨食一份高纖五穀類（約5粒栗子或1包全麥梳打餅)及Low GI嘅水果如蘋果、奇異果、士多啤梨等。咁就唔怕夜晚嗰餐太肥膩啦！
團年飯餸菜營養分析
食物：營養成分（每100克計）
雞肉：熱量約167卡路里、脂肪約9.4克。雞肉含必要胺基酸，係構成蛋白質嘅主要成分。
大蝦：熱量103卡路里、脂肪約0.9克。含有天然抗氧化物蝦青素，係高效抗氧化嘅類胡蘿蔔素。
冬菇：熱量60卡路里、脂肪少於1克、纖維2.5克，6隻冬菇嘅纖維量已等於正常人一日所需嘅1/10。
蠔豉：熱量163卡路里、脂肪約4.6克。鋅含量高，有助維持免疫功能，但蠔豉經乾曬處理後鹽分含量較高，食得多易水腫、血壓上升。
建議煮法
宜去皮及去肥膏，選用雞胸、去皮雞腿及雞鎚，又或選用較少脂肪嘅烏雞。
由於蝦頭及蝦卵處膽固醇含量最高，建議先去除這兩部分。
含纖維較多，容易吸油，應避免與高脂肪嘅肉類一同烹煮。
含豐富鈉質嘅醬料如蠔油、生抽、老抽會提升血壓，因此應盡量少汁，亦可使用鮮蠔。
唔食翅食咩好？
今年團年飯決定唔食翅，一為健康，二為環保，因為魚翅含膠原蛋白、鈣、磷、鐵質等礦物質，通常被認為有美容作用，可惜魚翅內嘅膠原蛋白屬於不完全蛋白，人體對佢吸收好有限。值得注意嘅係鯊魚壽命較長，而且雜食，故積存於鯊魚嘅水銀含量亦特別高。
屋企專業美顏
作為靚太，當然時刻要保持最佳狀態，不過我冇咁多時間去美容院，所以囝囝契媽Cissy介紹我用ageLOC新出嘅Galvanic Spa System II手提美容儀器，配合品牌美容產品，可達致收身同美容效果，每次10分鐘就掂，响屋企都可以享受Spa啦！
收身美顏Spa護理套裝
手提美容儀器1個、ageLOC美顏精華4盒、抗皺精華1支、纖體緊緻凝膠2支、盈肌纖體露1支、腿部舒活啫喱1支、NaPCA滋潤噴霧1支及抗菌潔手露1支。$7,150/套
查詢：2837 7700
賀年浪漫手指
有冇發覺依家朋友圍埋一齊，講唔夠三句就交換「手指」，係囉，講緊未USB囉！咁啱美麗華商場同人氣Molly合作，推出USB消費換領，並設有橙色新春賀年版及粉紅色嘅浪漫情人版，我梗係換咗情人版啦！
換領詳情
日期：即日至2月16日、20及21日
時間：1:00pm至10:00pm
換領方法：於美麗華商場／諾士佛階／美麗華商場-酒店大樓消費滿$1,500或以上（必須2張不同商鋪之即日機印發票，而每張發票必須為$100或以上），即可換取Molly USB記憶體，每日換領名額有限，換完即止。
查詢：2730 5300
有營團年飯！我有計！
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝