一家人食團年飯是年終大事，想吃得豐富，弊在冇時間煮，點算？婚後過第一個農曆年，胡諾言（胡仔）、陳琪（June）夫婦表示：「我哋只會間唔中下廚，通常交畀工人做，但原來食團年飯可以買現成食物，唔使煮到一頭煙，菜式仲有好多選擇，例如鮑翅、醉鴿、雲吞及溏心蛋等，真係開心！」

首次歡度新歲，這三口之家坦言非常興奮，胡仔滿腹大計：「我最鍾意布置屋企，買年花、貼卡通揮春等！仲會幫囡囡扮靚，等佢逗多啲利是！」June則期待大派利是：「一早買定利是封，仲封好利是，諗住同大家分享喜悅！」

陳年糟露溏心蛋　$29.8/3隻 揀手德國雞蛋大隻有蛋香，配以上海花雕及糟露浸上三日，溏心軟綿滑溜，芳香撲鼻，叫蛋迷胡仔食唔停。	秘製陽澄湖蟹粉$398/樽 精選4至5両重的靚蟹，再用芥花籽油炒香蟹肉、蟹黃，每樽要用上約6至7隻蟹，非常足料，配清炒豆苗，用來撈飯或麵，即時生色不少。	紅燒大排翅$130/両 原梳魚翅賣相矜貴，以翅針粗又多的勾翅入饌，啖啖爽滑，用上湯慢慢煨煮而成，入味非常。

不含味精最啱

過年通常食得豐富，胡仔及June齊聲表示愛食糕點，June更愛好意頭菜式：「花膠、海參、髮菜樣樣都好味。」胡仔補充話婚後公私兩忙，比以前少了下廚，團年飯想食好嘢看來要假手工人。之但係鮑參翅肚唔係人人識煮，買現成食物味道不賴又方便。

33頭南非乾鮑 $840/6隻 落足料以雞、赤肉、排骨及雞腳扣煮，一切開即見溏心，煙韌中帶鮮甜味，試過更有食客豪買回家當「零食」。	秘製花雕醉乳鴿　$78 店方強調用新鮮鴿，小記還在暗忖有甚麼特別，一食即高下立見，肉質帶點結實，味道甘香，浸了三日花雕而成，食味果然吸引。	鮑魚仔海皇魚肚羹 $68（a） 原味家作以鮑片及多種海鮮炮製成鮮味湯底，舀起湯羹品嘗時，更可吃到瑤柱、花菇、魚肚及鮑魚仔，非常足料。

小記於是帶胡仔夫婦到九龍城的「老字號」掃貨，店子的貨品林林總總，一排排凍櫃內放滿即食砂煲鮑魚、砂煲魚翅、湯包、花雕小食、雲吞、海味等。特別一提，店主對食物有堅持，不靚不賣之餘，亦不含味精，咁健康啱晒胡仔一家：「自從囡囡出世後，口味清淡咗，煮飯會少鹽少油，想做個好榜樣嘛。」

至尊盆菜$828（六位用）、$1,598（十二位用）（需預訂）（b） 帝都酒店帝玉庭的出品，內有頂級靚料包括日本元貝、白石海參、南美花膠、蠔豉、水晶鹹雞、自家製潮州炸魚丸、滷水鵝肉及家鄉腩肉等，伴以濃郁的鮑魚汁。

放大圖片

乾鮑翻熱即食

店內食物幾乎全部即買即食，像溏心蛋、花雕醉鴿、鮑汁鴨舌等，大可在開飯前先頂肚，而即使是煮法複雜的南非乾鮑、紅燒大排翅，也只需原煲翻熱，簡單方便，水準更有如大師傅出品，招呼親朋絕不失禮。

兩小口子一輪精挑細選後，已經滿載而歸，可以返屋企輕鬆開飯。胡仔：「鮑魚煙煙韌韌，切開有溏心o架，足料扣煮好好味；溏心蛋更加係至愛，用花雕同糟露至少浸三日，難怪入味又滑溜，連食幾隻都無問題。」June笑言：「我哋仲連甜品都買埋，個杧果布甸好香濃，唔使落花奶，啖啖原汁原味。」

查詢：2716 1717

查詢：

（a）2420 9869

（b）2694 3939

（c）2560 3668