我真係好鍾意行花市o架，以前就同啲Fd行，依家就當然孖住老公同囝囝行啦！朝早送咗囝囝返學，我就第一時間去行個快嘅年宵！行咗第一轉，已經搵到唔少今年首度曝光嘅產品，但係太多嘢買啦，一於過兩日再同老公囝囝再去湊熱鬧先！

維園花市係全港最大嘅花市，我當然已經走咗轉，為大家搜羅咗好多Cutie新品呀！

應節篇虎虎生威

今年係虎年，年宵最多嘅當然係以老虎掛帥嘅產品啦，又真係幾有心思o架！

虎相造型不倒翁雪豆咕(口臣)，黃色係特別為香港年宵而設計嘅「福到」限定版，日本都冇得賣o架！（大）$88/個、（小）$58/個 攤位編號：213	富貴雪糕有吹氣軟雪糕同雪條，每日仲有限量雪條袋供應添！$88/款 攤位編號：169	店名叫「動L虎」，顧名思義有彈吓彈吓嘅老虎仔售賣，亦有發光虎掌，夜晚可以閃住咁玩，最搞笑係人肉「老虎仔」拉客！（左）動L虎$58/隻、發光虎掌$168/隻 攤位編號：101
造型似粟米片嘅吹氣黃金脆脆，內有多片黃金，買返屋企真係金！$88/個 攤位編號：101

潮物篇搞鬼得意

除咗一眾虎物夠晒吸引之外，各種特色產品都非常搞鬼，我忍唔住手買咗啲送畀同學仔媽咪呀！

繼去年嘅吹氣雞蛋仔後，今年吹氣市場出現巨型「Tiger出奇蛋」及「Cankon吹氣相機」，相機背後更可放入一張8R相，實行當埋相架用。$88/個 攤位編號：48	名為「扮珠食老富」嘅Boxer，檔主們專登引進珍珠奶茶包裝機為客人包裝，夠晒特別。$68/條 攤位編號：84	全場獨家由日本豐竹神社運到嘅許願牌，最啱新年寫上新希望，好有Feel！匙扣$20/個、吊飾$28/個 攤位編號：213
一班理大學生再接再厲，出售虎年「開運襪」，實行行運行到腳趾尾；凡購買兩包開運襪仲送一對BB襪，送完即止。$48/包（每包有兩對） 攤位編號：162	放大圖片

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝