現在距離大年初一兼情人節仲剩番兩個禮拜，仍在頭痛買咩禮物送畀另一半？不妨考慮Casio與McDull首次Crossover推出的限量版數碼相機套裝。這款特別版全球限量只有999套，除了外殼加上Bling Bling的麥兜頭像，跟機仲送勁多特色精品，麥兜迷切勿錯過！

其實Casio在日本都有推出過與卡通人物Crossover的DC，如萬人迷Hello Kitty和多拉A夢等，不過行貨一直沒有引入香港。今次破天荒與麥兜合作已經夠噱頭，更內置埋麥兜動態圖案畀用家拼貼到相片中，比起那些Hello Kitty相框更有創意！

放大圖片	麥兜可愛打瞌睡	麥兜練功響噹噹

全球限量999套

物以罕為貴，Casio EX-Z90×麥兜特別版套裝，全球只限量發售999套，套裝包括一部Casio EX-90×McDull特別版DC、麥兜紅噹噹相機袋、麥兜毛公仔連相架、相機手繩、以及EXILIM×McDull限量版證書一張，就連個紅色禮盒包裝都精美過人，令人意外的是只售$2,180！另外，特別版EX-Z90的銀色機身，更燙上可愛麥兜頭像和Bling Bling的星星圖案，最啱送畀至愛的伴侶，拎出街影相肯定引來唔少艷羨目光。

內置嘅三款麥兜動態影像，造型趣致，只要花點心思，就能拼貼出與別不同嘅相片。	開機畫面是麥兜動畫，還加上配樂，十分趣致。	跟機的動態圖像全部儲存在機內，用家最好先將影像抄到記憶卡上使用。

麥兜動畫任拼貼

小記一開機便見到一段麥兜影相的動畫，還有埋配樂，驚喜十足，再來便是獨家Crossover功能。相機內已預載了三款麥兜動態影像，包括「麥兜練功響噹噹」、「麥兜可愛打瞌睡」和「Mudull, Run Run Run！」，用家可以啟動相機的動畫拼貼功能，將會郁嘅麥兜圖案加到靜態的相片之中，動畫還可以放大縮細、任意擺位，輕輕鬆鬆就能製作出一輯與麥兜親嘴、一齊耍太極等不同形態的動態相片，完成更可透過Casio專屬網站將相片合併成短片，放上網或當電子賀卡送畀朋友。除了三款麥兜圖案外，跟機還有多款動態影像畀用家玩餐飽。

旁邊的功能鍵簡單易用，入門用家亦很快上手。

EX-Z90×Mcdull限量版套裝，附送多款禮品，紅色的禮盒包裝亦很精美。

簡易模式啱細路

EX-Z90本身規格都有番咁上下，提供1,210萬拍攝像素、3倍光學變焦、4倍數碼變焦，並可拍攝1,280×720高清短片，兼且附有32種Best Shot場景模式。相機還擁有人臉識別、12級美顏、鮮明/除霧模式，以及夜景防震、智能逆光等功能，影相時還可揀心形的對焦框。如果送畀小朋友，也可教他用Easy Mode（簡易模式），簡單到按個掣就能影到靚相。

機檔案

有效像素：1,210 萬像

光學變焦：3倍

顯　示　屏：2.7吋Super Clear LCD

查詢：2926 2300