3D電影《Avatar》大收旺場，訂票訂到三月都仲有大把人等住睇；而影音業界亦有個講法，話2010年係「3D電視元年」，更有廠商已決定於今年第二季推出3D電視及相關配套，咁大家又準備好迎接呢個全民3D嘅電視新世代未？
雖然在剛結束的CES電子消費展中，隨處都可以見到3D電視的展示，但相關的技術和配套還在起步階段，用家難免會有各種疑問，就等筆者率先為大家解開幾個常見嘅「3D電視」疑團。
3D電視要點睇？
3D顯示的原理是讓左眼及右眼接收不同角度的畫面，傳送到大腦後再重組成3D影像；市場上存有三種技術，分別是毋須戴眼鏡的Parallax Barrier、佩戴被動式偏光眼鏡（Passive Glasses）的Xpol及採用主動式快門眼鏡（Active Shutter Glasses）的Active Sync，前者成本高昂，多用於商業應用；而被動式偏光眼鏡（即3D電影院所採用的眼鏡）成本低，但技術所限，顯示解像度會減半。所以今年各大廠都會採用能顯示出Full HD解像度，具備自動開合黑屏功能的快門眼鏡，惟眼鏡價錢略高。
普通電視變3D版？
幾間大廠已表明可以即時將原來的2D電視廣播畫面轉換成3D，效果當然跟採用真正3D訊源的3D電視有段距離，但至少可看到遠近景物的不同景深。以目前各廠商所發布的資料顯示，3D電視尺寸都會介乎四十吋至六十吋，跟現時主流嘅產品差不多，並隨機附上兩副3D眼鏡，若然屋企有五個人點算好？咁就要自掏腰包買多三副眼鏡啦！目前廠商還未公布3D電視及3D眼鏡的價錢範圍。
有眼疾唔啱睇3D？
眼科專科袁尚清醫生指出，由於3D顯示需要利用到眼球視差，如果眼睛視力有偏差（如弱視、斜視、失明等）或有嚴重斜視，都不可能看見3D影像。對於患有隱性斜視或斜視的朋友，在佩戴3D眼鏡時要相當用力保持眼球位置，長時間連續觀看（1.5小時以上）輕則會出現頭痛、眼痛，甚至會有短暫複視及嘔吐等徵狀。所以就算3D畫面再吸引都好，都要久不久讓眼睛休息，如觀看時有任何不適，最好都是請教眼科醫生。
世界盃3D攝錄？
3D Blu-ray影碟制式已在年初被確認，預期今年內會有約十套3D BD電影面世；而電視遊戲方面，除已推出的《Avatar The Game》外，預期下半年還會有數款3D遊戲應市；Sony亦公布會在今年南非世界盃期間以全3D攝錄機攝錄球賽，之後更會推出3D版世界盃影碟。雖然內容數量唔算多，但已夠畀大家體驗到不同範疇的3D效果。
專家點睇
Sony香港業務拓展總部家用產品及營銷市務本部市場經理Benny Yu：「BRAVIA 3D電視將於年中至第三季推出，3D Blu-ray影碟、遊戲、相機及其他硬件，亦會緊接出場。」
藝人小肥：「好期待可以喺屋企睇到3D卡通片、3D科幻片以及玩3D Game，相信好快會成為主流。」