上次推出《Wii Sports Resort》繁體中文版時，香港任天堂已預告會在農曆新年前推出《Wii Fit Plus》繁體中文版。今集遊戲可以玩盡六十九種鍛煉項目，既可訓練身體平衡又能收緊肌肉，全中文顯示下更唔怕做錯姿勢而影響鍛煉成果，最啱用嚟燃燒新年期間積落嘅卡路里！

針對性鍛煉

《Wii Fit Plus》成功在於能深入淺出，透過有趣的小練習來達到Keep Fit效果。遊戲可以透過測量體重、BMI同身體重心平衡，從而確認玩家的身體狀況，然後再作針對性鍛煉。即使大家毫無頭緒，唔知從何入手都唔使擔心，事關《Wii Fit Plus》已加入「生活改善」、「預防代謝不良症候群」、「保持年輕」及「漂亮身材」四大推薦選單，跟住照做就可以按部就班進行所需嘅鍛煉，完成每項鍛煉後還會顯示所消耗嘅熱量，進度一目了然。

遊戲內可作針對性鍛煉，改善體質。	可記錄每日的練習情況，再作部署。	《Wii Fit Plus》繁體中文版附送Wii平衡器。

有趣小遊戲

遊戲內包括「瑜伽」及「肌肉鍛煉」兩個項目，筆者自問做不成瑜伽，玩肌肉鍛煉又怕悶，都係立即進入小遊戲邊玩邊Keep Fit。小遊戲方面分為「平衡遊戲」、「有氧運動」、「鍛煉＋」三類，筆者跟攝記即場試玩「單車環島遊」、「節奏武術」、「Segway挑戰」、「啪嗒啪嗒飛行」等多個小遊戲，既考平衡力，又要做大量手部同腳部運動，玩完都覺得手腳有點痠軟，不過睇番原來每個項目都只係減得三至七個卡路里，即係等於一、兩條薯條嘅熱量左右，睇嚟筆者要Keep住日日玩，先有望減肥成功！

「踩球拋接」小遊戲既考平衡，亦考手腳協調能力。	怕一般練習太單調，玩小遊戲就最好。	「撐臂提臀」等肌肉鍛煉項目需較大的地方進行。

機　檔　案

類　　型：運動

開　　發：Nintendo

平　　台：Wii

推出日期：1月30日

查　　詢：http://www.nintendo.com.hk/