今期「星星耳筒」勁Hit，姑勿論當中有幾多係真貨，但足證只要價錢平、款式Sharp，就大有市場。近期場中就返了兩款美國ifrogz耳筒，講音質唔算靚，但勝在款式誇張，襯衫確實幾啱用。兩款新系列中以DJ Style系列較高檔，採用戴得舒服嘅加厚版Headband，加上五款不同設計，外形夠搶眼，甚至連耳筒震膜都加上圖案Print；另外耳筒採用的50mm單元，阻抗只得32Ω，一般MP3機或手機都推得起。至於另一款CS40's嘅設計就較重少女味，配備特厚的軟芯海綿，戴住特別保暖，啱晒凍冰冰嘅冬天。

查詢：3188 0767

CS40's用色Fancy，甚具少女味。

DJ Style耳筒震膜都加上圖案Print，細位都做到足。