放大圖片

隨身IMAX 941SH闊屏玩爆音

本文重點

史上最靚闊屏
雙指縮放短片
廣角美顏有齊
試播<<阿凡達>>Trailer
機檔案

電影《阿凡達》全城熱爆，人人話其3D立體影像出神入化，唔去睇IMAX大銀幕就嘥咗套戲。同樣道理，隨街睇戲想提升享受，就要揀部高畫質嘅手機，好似日系最新水貨SoftBank 941SH，就係全球首部4吋HXGA闊屏手機，加埋支援EUPHONY環迴立體聲，聲畫雙絕，就算唔入場都有IMAX效果！

$4,380

很多人以為手機個芒愈大，睇戲就愈正，但其實只說對一半，因為還要屏幕解像度配合。好似SoftBank上一代931SH便率先玩1,024×480像素，即相當於HXGA的超高解像度，長闊比例更貼近2.35:1的電影尺寸，睇戲時唔似傳統4:3 VGA屏幕般有黑邊出現，睇得更爽！

史上最靚闊屏

睇名都知941SH是931SH的後繼作品，驟眼看似乎冇咩唔同，但實情屏幕已由3.8吋升呢至4吋，解像度維持在HXGA級數，配合2,000:1超高對比度，畫面不單比前代更細緻，更幾乎貼近電腦屏幕嘅解像度，上網瀏覽時觀感亦更佳。為提升音質，今次保留了Yamaha Soung Tuning System及EUPHONY兩大音效技術，前者負責修復數碼音源；後者則提升音場的空間感，係咪炸得就唔敢講，但用來睇戲簡直是聽覺享受。

用唔慣篤芒，推開屏幕就有實體按鍵，每顆都微微凸起，手感唔錯。

內置容量只有220MB，若用於睇片建議買多張microSD卡較穩陣。

雙指縮放短片

屏幕不光是好看，同時還是一塊全觸控操控面板，廠商為此開發了全新的Widget桌面工具列，只要手指指便能任意拖曳數十項手機功能，將它們擺放於四組不同的桌面上，連開Menu的時間都慳番。另外，大熱嘅Multi-Touch技術佢一樣玩到，從基本的相片翻頁，到進階一點的縮放功能都做到；最好玩是連短片都可縮放，只要睇戲時兩指開合，影片尺寸便能隨意調校，想放大睇清楚女主角都話咁易。

廠商特別為篤芒引入環狀式介面，用手指打圈便能轉動，比傳統九宮格爽快得多！

預載大量試玩版遊戲，包括《Real Soccer 2009 3D》，球迷至愛。

內置多個聲音效果，除了EUPHONY，想加強低音還可選Surrond Bass。

內置多個聲音效果，除了EUPHONY，想加強低音還可選Surrond Bass。

廣角美顏有齊

此機沒有跟隨今季潮流，玩1,200萬像素鏡頭，機背只有800萬像素CCD鏡頭；話雖如此，但它擁有29mm廣角、ISO 12,800超高感光度、指控對焦、五張人臉偵測及美顏模式等功能，整體而言還屬上乘規格。941SH另一賣點是Wi-Fi連線能力，可瀏覽完整HTML或Flash網頁，比以往日系機只能齋Talk實用得多。惟注意「圈外」問題仍未解決，3仔台收唔到，PCCW也會間中斷線，購買前要有心理準備。

內置美顏模式，提供假大眼、美白及瘦臉功能，而且執得唔算誇張，Model唔會變成卡通公仔。	8MP鏡頭配LED補光燈，用嚟影Snapshot夠晒用，惟注意鏡頭外露，較易刮花。	雖然機側設有快門及變焦鍵，但不支援半按快門，實際作用不大。
最多可認到五張人臉，辨認速度頗快，至啱影大合照。