今日係平安夜，打算出街食飯慶祝，但又未訂座的話，恐怕都要食西北風啦！唔想用即食麵充當聖誕大餐，不如參考一下星光家族四位成員—李志豪、戴畹旂、羅迪龍及陳蕾的建議，外賣美食或者以方便叮叮食品做大餐，唔使訂又唔使煮，一人獨食又得，二人燭光晚餐亦可，一大班朋友開派對就更方便。

超市外賣篇

大型超市Great，除售賣外國進口的優質食品外，還有出售款式眾多的外賣熟食，而且全部採用優質食材炮製，如波士頓龍蝦、蘇格蘭煙三文魚、美國火雞肉等，誠意十足。此外，所有食品皆由美籍行政總廚Tim精心烹調及搭配，質素拍得住大餐廳，最重要是全部無需預訂，睇啱心水可即時買走返歸慢慢歎，方便！

波士頓龍蝦 $155/隻 波士頓龍蝦以清蒸方法烹調已非常滋味，肉質鮮甜爽滑，配合用蛋黃醬、辣根及茄汁自家調成的海鮮汁，味道更有層次。	火雞卷 $8.9起/100克 選用來自加州農場的火雞，由於以蔬菜餵飼，加上不含任何添加劑，美味又健康，肉質更比一般火雞嫩滑。	李志豪（Simon）「就唔到時間同朋友食大餐，超市外賣美食係好選擇，唔使預訂，仲有應節火雞卷食，正！」
戴畹旂（Jack）「依家超市啲外賣食品質素咁高，匿喺屋企都可以食餐好。」	放大圖片

簡易叮叮篇

叮叮食品向來大受歡迎。「馬莎百貨」自家出產的一系列急凍食品，款式唔大路，連印度Masala咖喱、心太軟都有，除堅守方便快捷的大原則外，更以真材實料製作，味道一點不賴。買回家後，只需放入焗爐或微波爐，再調校好適合時間，就可以坐定定等食，啱晒忙碌都市人。

印度式香米飯 $30 配合時蘿、茴香及番紅花煮成的印度式米飯，鬆軟帶咬口，加上豐富的香味，配紅咖喱食一流。	印度式紅咖喱雞 $85 雞胸肉以Creamy的印度Masala咖喱汁燴煮，味道辛香，非常入味，只需放入微波爐中叮八至九分鐘就食得。	比利時朱古力醬軟心蛋糕 $68 一盒有兩份，只需放入焗爐中焗半小時，取出即能品嘗到外層鬆軟、內裏有流心的心太軟。
放大圖片	羅迪龍（Dylan）「急凍叮叮食品幾分鐘食得，啱晒開聖誕Party，食完唔使洗，夠晒方便。 」	陳蕾（豹哥）「叮叮心太軟的確唔錯，只需一個焗爐或者微波爐就搞掂，好OK！」

查詢︰2918 9986