冬至梗要食餐好，但營養師朋友提醒我，大魚大肉隨時影響健康！

奶奶話今日會煮魚翅鮑魚花膠煲，仲有芝麻花生湯圓甜品，非常豐富，但我個Friend米施洛營養護康中心註冊營養師胡凱恩（Eunice）話，屋企有老有少要小心飲食，尤其要注意烹調方法和進食分量，唔好為一時口福而損害健康。

花膠係高鈉質食物，用同樣含鈉質的蠔油、豉油等烹調，血壓高人士多食有機會令血壓上升，建議大家使用天然材料調味，如薑、葱、蒜頭、胡椒等，仲要落少啲鹽。	雞肉含蛋白質，可以幫助身體修補細胞，但不同煮法有不同效果，譬如香口炸子雞含高膽固醇，不宜多吃，最佳煮法係蒸，其次係炒同燜。	糯米粉是湯圓主要材料，含有糖分，坊間多用芝麻、花生等高糖、高油嘅材料做餡，加上用黃糖煮成嘅糖水，食多少少都會令血糖急升。Eunice建議用油分較低的紅豆或栗子磨成蓉做餡，以及用代糖煮糖水會健康啲。

叻太小貼士：

姆明手偶

姆明媽媽廚房套裝

1.多菜少肉，將每餐分開六份，其中三份係菜，其餘應為一份肉，配兩份飯或粉麵。

2.吃飯前先喝湯，以減少餓意，惟胃病人士則不適合，因為湯水會稀釋胃液，反而影響消化。

歡度佳節之餘，仲可以做善事，啱晒我叻太！

今個聖誕，來自芬蘭嘅姆明除咗現身信和旗下商場，仲專誠在出生地空運了三份獨有的姆明禮品來港，包括一套四件的「姆明媽媽廚房套裝」、一對「姆明手偶」以及一套九件的「姆明爸爸工具箱」，並以慈善競投方式，等大家帶佢哋返屋企。於12月27日或以前，將姓名、身份證號碼（英文字母及頭4位數字）、聯絡電話、競投金額及競投物品資料，電郵到ntepromo@gmail.com，或親身前往粉嶺碧湖商場、帝庭軒購物商場及將軍澳海悅豪園購物商場填寫競投表格即可參於競投。是次競投的收入將不扣除任何成本，全數撥捐仁愛堂及青少年服務處作慈善用途。

查詢：3165 6617

除夕倒數 兼睇皇室冰上舞

除夕夜，我最鍾意同一大班人喺街頭倒數，氣氛一流，但今年我決定轉移陣地，因為ELEMENTS圓方將於除夕夜舉行「2010冰上除夕倒數派對」，到時有國際知名嘅「七兄弟特技舞團」來港獻技，在面向維港的The Rink溜冰場，表演Flamenco、Break-dance、芭蕾等舞蹈，以及各式跳躍翻騰和特技雜耍，佢哋嘅精湛演出，連摩納哥公主都曾親身頒獎表揚。而另一隊歐洲專業的卡巴萊（Cabaret Dance）表演舞者，亦會在當晚為大家載歌載舞。節目咁豐富，到時一於同埋屋企人嚟欣賞呢個「皇室級」表演。

查詢：2735 5234

滋潤！護膚又護眼

近年不少人愛上有機生活，但有機產品嘅售價往往較貴。早幾日行街，我留意到一個澳洲護膚品牌Sukin Organics，專門生產純天然有機護膚用品，價錢大眾化，所有產品均於澳洲製造及包裝，不含任何化學成分，用得安心。由即日起至2010年1月3日，於屈臣氏購買品牌最新推出的天然有機認證玫瑰果油，加任何Sukin產品一件，即可免費獲贈價值$125的天然有機活效抗氧化眼部精華35ml乙支。咁抵，點可以唔買定一支傍身呀！

查詢：3541 9651

一家人過一個"營"爆冬至！

做善事！競投姆明

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝