呢排我要咩都會去7仔入貨，點解？因為佢哋啱啱推出新一輪嘅「Hello Kitty 35週年珍藏吊飾系列」換購行動！

全套三十五款Hello Kitty吊飾，收集咗自一九七四年以嚟最受歡迎嘅吉蒂貓產品，打造全球獨有嘅Hello Kitty Charms。由即日開始全線7-Eleven*開始派發印花，直至二○一○年二月二十三日為止。凡購物滿$20即送印花一個，購物滿$30換取兩個、滿$40則可換三個，如此類推。

每款Hello Kitty Charms背後，均刻有其代表年份。	設計別致嘅吊飾，可愛之餘更可作多元化搭配。	1976年小手袋

換購行動

即日至二○一○年三月二日，可於所有7-Eleven換購*。顧客可選擇以十五個印花免費換領；或以五個印花加$20換購其中一款。（其中三十一款可於即日起換購，另外四款別注版須留意稍後公布）

*迪欣湖分店除外

查詢：2299 1110

雙重口感雪糕火鍋

天氣愈凍就愈想食雪糕，不過我有敏感牙齒，一食凍嘢就牙痛，如果喺雪糕外面加咗層暖笠笠嘅朱古力醬會唔會好啲呢？今季Haagen-Dazs雪糕火鍋換咗新Look，用咗宮廷式嘅搪瓷器皿同埋金色嘅爐架，Grand到震，仲可以一次過品嘗二十四粒唔同口味嘅雪糕球。雪糕球沾上暖暖嘅比利時朱古力醬，即時幻化成外暖內冷嘅雙重口感，簡直一流！由十二月七日至三十一日購買雪糕火鍋加$79，仲可換購限量版聖誕熊一個添！

查詢：2629 6116

換靚爆豆腐仔月曆

二○○九年月曆就快用完，係時候換新嘢！啲日本卡通月曆總令人愛不釋手，但係冇中國年曆同香港嘅公眾假期，硬係爭啲。今年一田百貨同親子豆腐（To-Fu Oyako）推出首個香港版月曆，滿載日式玩味又實用，又正又潮！

換領日期:12月14日至25日

換領方法:於一田百貨購物滿$1,000，憑即日機印發票到顧客服務部即可換領一田×親子豆腐二○一○限量版月曆乙個。每日限換二百個，數量有限，換完即止。

查詢：2694 1111

百貨公司有優惠

慳得一蚊得一蚊係我嘅宗旨，掃平貨係我嘅責任！幾經搜尋，終於畀我發現永安百貨由即日至二○一○年一月一日，舉行聖誕佳節貨品優惠，多款精選產品作特價發售，絕對係買筍貨嘅好時機！

查詢：2318 2395