睇住囝囝紮紮跳，就諗番細個喺蘇屋邨嘅時光。呢個有四十六年歷史嘅屋邨好快拆啦，真係有啲唔捨得！

今日帶囝囝去睇「蘇屋邨舊物及相片展覽」，展出幾十件由屋邨街坊捐贈嘅舊物，同埋由攝影師謝至德拍攝嘅相片，仲會响杜鵑樓一個空置公屋單位重置家具陳設，等大家感受吓屋邨居民以前嘅生活狀況，囝囝今次可以Feel吓叻婆婆、叻公公以前嘅生活囉！

日期：即日起至2010年1月（12月26日除外）

時間：逢星期六2:00pm至6:00pm

地點：蘇屋邨杜鵑樓地下

查詢：2728 3350

備註：12月5日及2010年1月2日將有街坊義工口述舊事

細佬入伙：高清電視賀禮六七折

細佬新居入伙，做家姐嘅點都要送啲嘢賀吓佢！購物生活易最近推出LCD TV優惠，VSmart 32吋高清電視更低至六七折，優惠期至十一月底，數量有限，售完即止。呢款電視支援畫中畫、HDMI輸入同埋高清廣播，仲送機頂盒，用嚟睇波一流，啱晒細佬啦！

網站：shop.esdlife.com

查詢：3151 2261

生日飯局：年歲折扣優惠怒吃！

閨中密友Lucianna今個月底生日，梗要同佢擦番餐勁。聽講香港日航酒店嘅日航咖啡室推出好多優惠，凡十一月出生嘅壽星仔女，喺星期一至四幫襯可享相等於年歲嘅折扣優惠，東亞銀行信用卡用戶仲可享另類折扣優惠：一至三位八折、四位或以上七五折。咖啡室仲推出全新嘅海中珍寶自助晚餐，最正係設有白灼海鮮站、鐵板燒，Lucianna咁識飲識食，一定好滿意！

自助晚餐收費︰

星期一至四 成人$358、小童$238

星期五至日及公眾假期　成人$398、小童$258

查詢：2313 4222

影靚相：玻璃玩具屋叻太大推！

聽日我哋會帶囝囝去Mega Box，因為呢個場今年會有一座三十呎高嘅機動聖誕童話式玻璃玩具屋。玩具屋由金色同仿玻璃物料組成，成間屋閃閃發光，每日喺指定時間仲會自動打開，到時會見到屋入面嘅巨型水晶吊燈、巨型啤啤熊等，而屋嘅中間亦有一棵二十二呎高聖誕樹，仲會有音樂同燈光效果配合兼狂噴泡泡，真係未出發、先興奮！

溫馨提示：

年尾流流，又係交稅時候，快啲幫老公研究吓稅貸計劃。滙豐「萬應錢」借款額十萬元，就可獲最低實際年利率2.96厘（還款期為十二個月，必須於年底或之前申請），而中銀「貸合適」更不論還款期同借款額，一般客戶實際年利率一律係4.75厘！真係各取所需！

今日同囝囝去蘇屋邨睇懷舊展，認識吓呢個老屋邨！

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝